सुटीच्या दिवशीही ऑन ड्युटी

अकोला,दि.२५ (जिमाका)-  जिल्ह्यात संचारबंदी असतांना व आज गुढी पाडवा मराठी नववर्षारंभाची सुटी असतांनाही जिल्हाधिकारी स्वतः, निवासी उपजिल्हाधिकारी , आपत्ती व्यवस्थापन कक्ष हे वैद्यकीय व पोलीस दलाच्या सोबतीने काम करत होते.   स्वतः जिल्हाधिकारी जितेंद्र पापळकर व निवासी उपजिल्हाधिकारी संजय खडसे यांनी तब्बल साडेतीनशे हून अधिक जणांचे कॉल्स स्विकारुन त्यांच्या अडचणी दूर केल्या. शिवाय अन्य प्रशासकीय कामकाज व परिस्थितीचा आढावा घेणे सुरुच होते. त्यात लोकांचे विविध अडचणी दूर करण्यासाठी यंत्रणेला सुचना देणे सुरु होते. सायंकाळी उशीरापर्यंत हे काम सुरु होते. आपत्ती व्यवस्थापन कक्ष व निवासी उपजिल्हाधिकारी यांचे कार्यालयही कार्यरत होते.