अकोला संवाद - जिल्हा माहिती कार्यालय अकोला

    पेरणीची घाई नको; घरचे बियाणे वापरा कृषी विभागाचा सल्ला         अकोला, दि. १ : येत्या खरीप हंगामामध्ये अल-निनो च्या पार्श्वभूमीवर कमी व असमान पावसाचा अंदाज असून मान्सूनपूर्व वादळी पावसावर अवलंबून राहून पेरणीची घाई करू नये. 100 मी.मी पाऊस झाल्यानंतरच   पेरणीचे नियोजन करावे , असे आवाहन कृषी विभागाने केले आहे.                बाजारातील महागडे सोयाबीन बियाणे न वापरता स्वतःजवळील घरगुती बियाणे उगवण क्षमता चाचणी घेऊन ब ी जप्रकिया करून बियाणे म्हणून वापर करावा. सोयाबीन पिकाची पेरणी   रुंद वरंबा व सरी पद्धतीने   ( बीबीएफ ) किंवा बेडवर टोकन पद्धतीने केल्यास बियाण्याची बचत होऊन अधिक उत्पादनाची   हमी असते. असे आवाहन जिल्हा अधिक्षक कृषी अधिकारी डॉ. मुरली इंगळे यांनी जिल्ह्यातील शेतकऱ्यांना केले आहे. ०००

      कुष्ठरूग्ण शोधमोहिमेला जिल्ह्यात प्रारंभ अकोला, दि. १ : राज्यात सन २०२७ पर्यंत शून्य कुष्ठरुग्ण प्रसाराचे उद्दिष्ट निश्चित करण्यात आले आहे. त्यानुसार सार्वजनिक आरोग्य यंत्रणेतर्फे जिल्ह्यात कुष्ठरूग्ण शोध मोहिमेचा प्रारंभ झाला. जिल्ह्यातील मागील पाच वर्षांमध्ये एकही कुष्ठरुग्ण आढळून न आलेल्या ५११ गावांमध्ये विशेष घरोघर सर्वेक्षणास सुरुवात करण्यात आली आहे. या मोहिमेअंतर्गत एकूण ४ लाख ४ हजार ८६३ लोकसंख्येची तपासणी करण्याचे नियोजन करण्यात आले असून आरोग्य कर्मचारी घरभेटी देत नागरिकांची कुष्ठरोगासंदर्भात तपासणी करीत आहेत. कुष्ठरोगाबाबत जनजागृती करून रोगाची लक्षणे, उपचार व प्रतिबंधात्मक उपाययोजनांची माहिती देण्यात येत आहे.   सर्वेक्षणादरम्यान आतापर्यंत ४२८ संशयित रुग्णांची नोंद करण्यात आली आहे. त्यापैकी ४ नवीन कुष्ठरुग्ण आढळून आले असून त्यांच्यावर तातडीने उपचार सुरू करण्यात आले आहेत. वेळेत निदान व उपचारामुळे रोगाचा प्रसार रोखण्यास मदत होत असल्याचे आरोग्य विभागाने स्पष्ट केले आहे.   या उपक्रमाला ग्रामस्थांचा उत्स्फूर्त प्रतिसाद मिळत असून प्रत्येक ...

  हरवलेल्या मूकबधीर बालकाच्या कुटुंबाचा शोध जिल्हाधिका-यांच्या उपस्थितीत बालक कुटुंबाकडे सुपुर्द अकोला, दि. १ : जिल्हा बाल संरक्षण कक्षाच्या प्रयत्नांमुळे आधार नोंदणीच्या माध्यमातून एका मुकबधीर बालकाचे कुटुंब शोधण्यात यश मिळाले. जिल्हाधिकारी वर्षा मीना यांच्या उपस्थितीत या बालकाला आज त्यांच्या कुटुंबाच्या सुपुर्द करण्यात आले. याबाबतची हकीकत अशी की, लोहमार्ग चाइल्ड हेल्पलाईनच्या कर्मचा-या दि. ८ एप्रिल रोजी अकोला रेल्वेस्थानकावर एक बालक एकटेच भटकत असताना आढळले. कर्मचा-यांनी त्याची विचारपूस करून त्याला बाल कल्याण समितीच्या आदेशाने शासकीय बालगृहात येथे दाखल केले. बालक मूकबधीर असल्याने पत्ता शोधण्याचे आव्हान होते. बालकल्याण समितीचे सुनील लाडुलकर यांना सुचना केल्यानुसार शासकीय मुकबधीर विद्यालयाच्या शिक्षिकेला विद्यार्थ्यांशी संवाद साधण्यासाठी पाचारण करण्यात आले. त्यानुसार संवाद साधण्याचा प्रयत्न झाला. तथापि, त्याद्वारे बालकाचा पत्ता कळू शकला नाही.   त्यानंतर आधार क्रमांकाच्या साह्याने पत्त्याचा शोध सुरू झाला. श्री. लाडुलकर यांनी त्या बालकाची आधार नोंदणी केली. त्यांनी 20 दिवस...

  जिल्हा नियोजन समितीची ५ जूनला सभा अकोला, दि. १ : राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या अध्यक्षतेत जिल्हा नियोजन समितीची सभा दि. ५ जून रोजी दु. १ वा. नियोजनभवन येथे आयोजिण्यात आली आहे. सभेच्या विषयसूचीनुसार गत सभेचे इतिवृत्तवाचन व अनुपालन, जिल्हा वार्षिक योजनेत- सर्वसाधारण योजना, अनुसूचित जाती उपयोजना, आदिवासी उपयोजना यांच्या २०२५-२६ च्या खर्चास मान्यता देणे, सन २०२६-२७ या वर्षाचा नियोजन आढावा आदी विषयांवर चर्चा होणार आहे. ०००