ग्रा.पं निवडणूक कार्यक्रमात बदल
अकोला,दि.13 (जिमाका)- राज्य निवडणूक आयोगाच्या निर्देशानुसार,
राज्यात होऊ घातलेल्या ग्रामपंचायत सार्वत्रिक निवडणूकांच्या कार्यक्रमात बदल
करण्यात आला आहे. करण्यात आलेल्या बदलात नामनिर्देशनपत्र मागविण्याचा व सादर
करण्याचा कालावधी दिनांक 16 मार्च 2020 रोजी सायंकाळी 5. 00 वा पर्यंत
वाढविण्यात आला आहे. सुधारीत निवडणूक कार्यक्रम पुढीलप्रमाणे-
नामनिर्देशनपत्रे मागविण्याचा व
सादर करण्याचा दिनांक व वेळ - शुक्रवार दि. 6 ते सोमवार दि.16 मार्च वेळ सकाळी 11 ते सायं. पाच. (शनिवार दि. 14 व रविवार दि.15 मार्च वगळून)
नामनिर्देशन छाननी करण्याचा दिनांक व वेळ - मंगळवार दि.17 सकाळी 11 ते छाननी संपेपर्यंत.
नामनिर्देशनपत्र मागे घेण्याचा अंतिम दिनांक व वेळ - गुरूवार दि. 19 दुपारी तीन वा. पर्यंत.
निवडणूक चिन्ह
नेमून देण्याचा तसेच अंतिमरित्या निवडणूक लढविणाऱ्या उमेदवारांची यादी प्रसिद्ध करण्याचा
दिनांक - गुरूवार दि. 19 दुपारी तीन वा.
आवश्यक असल्याचा मतदानाचा दिनांक- मंगळवार दि. 31 मार्च सकाळी साडेसात वा. पासुन ते सायं साडेपाच वा. पर्यंत अखंड
(गडचिरोली जिल्ह्यासाठी सकाळी साडेसात वा. पासुन ते दु. तीन वा. पर्यंत).
मतमोजणीचा
दिनांक-बुधवार दि. एक एप्रिल (मतमोजणीचे
ठिकाण व वेळ जिल्हाधिका-यांच्या मान्यतेने तहसिलदार
निश्चित करतील त्यानुसार राहील)
जिल्हाधिकारी कार्यालयामार्फत
निवडणूकीच्या निकालाची अधिसुचना प्रसिद्ध करण्याचा अंतिम दिनांक मंगळवार दि. सात एप्रिल पर्यंत.
दिनांक 14 मार्च व दिनांक 15 मार्च या सार्वजनिक सुट्टीच्या दिवशी अर्जदारांना नामनिर्देशनपत्र केवळ संगणकप्रणालीमध्ये
भरण्याची सोय उपलद्ध असेल,असे कळविण्यात आले आहे.
टिप्पण्या
टिप्पणी पोस्ट करा