अकोला संवाद - जिल्हा माहिती कार्यालय अकोला

    पालकमंत्री ॲड.आकाश फुंडकर यांच्याकडून   म्हैसपूर येथील आदर्श गोसेवा प्रकल्पाची पाहणी अकोला, दि. 15 :   राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज म्हैसपूर येथील आदर्श गोसेवा व अनुसंधान प्रकल्पाला भेट देऊन तेथील विविध उपक्रमांची पाहणी केली. संस्थेचे सचिव प्रा. विवेक बिडवई, संघाचे प्रांत सरकार्यवाह अजय नवघरे यांच्यासह अधिकारी व विविध मान्यवर यावेळी उपस्थित होते. पालकमंत्री श्री. फुंडकर यांनी सप्तगौ परिक्रमा मंदिराला भेट देऊन गौपूजन केले. त्यानंतर त्यांनी गोशाळेची पाहणी केली. तेथील धन्वंतरीभवन औषधे निर्मिती केंद्र आणि खत निर्मिती केंद्रालाही त्यांनी भेट दिली. त्याठिकाणी सुरु असलेल्या विविध उपक्रमांची माहिती त्यांनी जाणून घेतली. 00000

  शासकीय विश्रामगृहाच्या नूतनीकरण कामांचे पालकमंत्र्यांच्या हस्ते लोकार्पण अकोला, दि. १५ :   जिल्हा नियोजन समितीच्या माध्यमातून सार्वजनिक बांधकाम विभागातर्फे शासकीय विश्रामगृहाचे नूतनीकरण करण्यात आले आहे. नूतनीकरण झालेल्या कामांचे लोकार्पण राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या हस्ते झाले. स्वातंत्र्यदिनानिमित्त मुख्य शासकीय समारंभानंतर केंद्रीय विद्यालयाचा प्रवेशोत्सव व विविध कार्यक्रम झाले. त्यात विश्रामगृहाच्या नूतनीकरण कामांचेही लोकार्पण झाले. आमदार रणधीर सावरकर, महापौर शारदा खेडकर, जिल्हाधिकारी वर्षा मीना, पोलीस अधिक्षक अर्चित चांडक, कार्यकारी अभियंता प्रसाद पाटील आदी उपस्थित होते. जिल्हा नियोजन समितीच्या माध्यमातून सुमारे ५० लक्ष रू. निधीतून नूतनीकरणाची कामे पूर्ण करण्यात आली. त्यात विश्रामगृह येथील आवार भिंत, प्रवेशद्वाराचे बांधकाम करण्यात आले आहे. कक्ष व परिसर सुशोभीकरण करण्यात आले आहे. ०००  

  केंद्रीय विद्यालयाचा प्रवेशोत्सव विद्यार्थ्यांना गुणवत्तापूर्ण शिक्षणाची संधी अकोल्याच्या शिक्षण क्षेत्रात मोठी उपलब्धी पालकमंत्री ॲड. आकाश फुंडकर अकोला, दि. १५ : केंद्रीय विद्यालयासारखी महत्वपूर्ण शैक्षणिक संस्था अकोल्यात सुरू झाली आहे. अकोल्याच्या शिक्षण क्षेत्रात ही मोठी उपलब्धी आहे.   त्यामुळे येथील विद्यार्थ्यांना गुणवत्तापूर्ण शिक्षणाची संधी व उज्ज्वल भविष्याची हमी मिळाली आहे, असे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे केले. स्वातंत्र्यदिनाच्या मंगलमय दिवशी केंद्रीय विद्यालयाचा प्रवेशोत्सव पालकमंत्र्यांच्या हस्ते झाला, त्यावेळी ते बोलत होते. खासदार अनुप धोत्रे, जिल्हाधिकारी वर्षा मीना, पोलीस अधीक्षक अर्चित चांडक, केंद्रीय विद्यालय समितीचे सदस्य, सार्वजनिक बांधकाम विभाग व इतर यंत्रणांचे अधिकारी   आदी उपस्थित होते.   पालकमंत्री ॲड. फुंडकर म्हणाले की, प्रधानमंत्री नरेंद्र मोदी यांच्या नेतृत्वात देशात आयआयटी, केंद्रीय विद्यालयासारख्या महत्वपूर्ण शैक्षणिक संस्थांचा विस्तार होत आहे. अकोल्यात केंद्रीय व...

  भारताचा ८० वा स्वातंत्र्यदिन उत्साहात साजरा लोकहितकारी योजनांच्या व्यापक अंमलबजावणीमुळे सर्वसमावेशक विकास -         पालकमंत्री ॲड. आकाश फुंडकर अकोला, दि. १५ : विज्ञान, तंत्रज्ञान, डिजिटल क्रांती, पायाभूत सुविधा, महिला सक्षमीकरण, युवकांसाठी संधी आणि आत्मनिर्भरतेच्या क्षेत्रात देशाने मोठी झेप घेतली आहे. विकासाच्या या प्रवासात महाराष्ट्र अग्रस्थानी असून, दूरदर्शी नेतृत्व आणि लोकहितकारी योजनांच्या व्यापक अंमलबजावणीमुळे राज्याची सर्वसमावेशक विकासाकडे वाटचाल होत असल्याचे प्रतिपादन राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांनी आज येथे केले.   भारताच्या ८० व्या स्वातंत्र्यदिनानिमित्त जिल्हाधिकारी कार्यालयाच्या प्रांगणात आयोजित मुख्य शासकीय समारंभात राष्ट्रध्वजारोहण पालकमंत्र्यांच्या हस्ते झाले, त्यावेळी ते बोलत होते. जिल्हाधिकारी वर्षा मीना, जि. प. मुख्य कार्यकारी अनय नावंदर, पोलीस अधिक्षक अर्चित चांडक, मनपा आयुक्त सुनील लहाने व इतर सर्व यंत्रणांचे अधिकारी, कर्मचारी, स्वातंत्र्यसैनिक व त्यांचे कुटुंबिय, वीरमाता ...

    भारताचा ८० वा स्वातंत्र्यदिन; केंद्रीय विद्यालयाचा आज प्रवेशोत्सव मुख्य शासकीय समारंभ जिल्हाधिकारी कार्यालयाच्या प्रांगणात रानभाजी महोत्सव व विश्रामगृहाच्या नूतनीकरणाचाही शुभारंभ अकोला, दि. १४ : भारताच्या ८० व्या स्वातंत्र्यदिनानिमित्त मुख्य शासकीय समारंभ जिल्हाधिकारी कार्यालयाच्या प्रांगणात उद्या दि. १५ ऑगस्ट रोजी सकाळी ९.०५ वा. होणार आहे. राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या हस्ते राष्ट्रध्वजारोहण होईल. स्वातंत्र्यदिनानिमित्त उद्या विविध कार्यक्रम होणार आहेत. केंद्रीय विद्यालयात प्रवेशोत्सव अकोला येथे केंद्रीय विद्यालयाची स्थापना झाली असून, पालकमंत्री ॲड. फुंडकर यांच्या उपस्थितीत विद्यालयात उद्या प्रवेशोत्सव साजरा होणार आहे. मुख्य ध्वजारोहण समारंभानंतर सकाळी १० वा. हा कार्यक्रम होईल. जिल्ह्यातील मान्यवर लोकप्रतिनिधी यावेळी उपस्थित राहणार आहेत. विश्रामगृहाच्या कामांचे उद्घाटन सार्वजनिक बांधकाम विभागाच्या वतीने शासकीय विश्रामगृहाचे नूतनीकरण, तसेच आवारभिंतीच्या बांधकामाचा उद्घाटन समारंभ सकाळी 9.45 वा. पालकमंत्री ॲड. फुंडकर यांच्या हस्ते ...

  हर घर तिरंगा’ मोहिम तिरंगा मोटरसायकल रॅलीला युवकांचा मोठा प्रतिसाद अकोला दि. 14 : केंद्र व राज्य शासनाच्या सुचनेनुसार जिल्हा प्रशासन व जिल्हा पोलीस दलाच्या वतीने "हर घर तिरंगा 2026" मोहिम राबविण्यात येत असून, आज दुपारी शहरात तिरंगा मोटरसायकल रॅली काढण्यात आली. त्याला युवकांचा उत्स्फूर्त प्रतिसाद मिळाला. मोटरसायकल रॅलीचा प्रारंभ जिल्हा पोलीस अधीक्षक अर्चित चांडक यांच्या उपस्थितीत झाला. मनपा आयुक्त डॉ सुनील लहाने,  अपर पोलीस अधीक्षक सीएसके रेड्डी, निवासी उपजिल्हाधिकारी गजेंद्र मालठाणे,  क्रीडा अधिकारी सतीशचंद्र भट यांच्यासह अनेक अधिकारी व विविध क्षेत्रातील मान्यवर उपस्थित होते.   रॅलीची सुरुवात पोलीस अधीक्षक कार्यालय येथून झाली. रॅलीमध्ये अधिकारी-कर्मचा-यांबरोबरच विविध क्षेत्रातील मान्यवर व युवक मोठ्या संख्येने सहभागी झाले होते.  देशभक्तीपर गीते आणि ‘भारतमाता की जय’ अशा घोषणांनी आसमंत निनादून गेले होते. सोबत तिरंगा ध्वज घेऊन रॅली मार्गक्रमण करत होती. रॅलीत नागरिक उत्स्फूर्तपणे सहभागी झाले.  पुढे लक्झरी बसस्थानक चौक, शासकीय बगिचा, शहर कोतवाली चौक, बियाण...

    अकोल्यात २१ ऑगस्टला 'महा वॉकेथॉन – वॉक फॉर वॉटर' युवकांसाठी इन्स्टाग्राम रील्स स्पर्धा; आकर्षक बक्षीसे माती वाचवा, पाणी जपा, सुरक्षित भविष्य घडवा' अकोला दि. १३: मृद व जलसंधारणाची व्यापक जनचळवळ उभी करण्यासाठी जिल्हा प्रशासन आणि जलसंधारण विभागातर्फे २१ ऑगस्ट रोजी 'महावॉकेथॉन – वॉक फॉर वॉटर'चे आयोजन करण्यात आले आहे. मृद व जलसंधारण क्षेत्रातील उल्लेखनीय कार्याची दखल घेत माजी मुख्यमंत्री स्व. सुधाकररावजी नाईक यांचा जन्मदिन २१ ऑगस्ट   "जलसंधारण दिनानिमित्त राज्यात १५ ते २१ ऑगस्ट दरम्यान "जलसंधारण सप्ताह" आयोजित करण्यात येणार आहे. तो प्रभावीपणे साजरा करण्याच्या दृष्टीने संबंधित सर्व यंत्रणांनी समन्वयाने कार्यवाही करावी, असे निर्देश जिल्हाधिकारी वर्षा मीना यांनी दिले आहेत. जलसंधारणदिनानिमित्त व्यापक प्रमाणावर उपक्रम हाती घेतल्याची माहिती जिल्हा जलसंधारण अधिकारी अमोल मस्कर यांनी दिली. ते म्हणाले की, महावॉकेथॉनबरोबरच माती आणि पाणी संवर्धन या विषयावर रील्स स्पर्धाही आयोजित केल्या आहेत. यादिवशी लोगोचे अनावरण व मृद व जलसंधारणाची शपथही घेतली जाणार ...

    अकोल्यात स्वातंत्र्यदिनी जिल्हा रानभाजी महोत्सव                अकोला, दि. १३ : कृषी विभाग व कृषी तंत्रज्ञान व्यवस्थापन यंत्रणेतर्फे (आत्मा) जिल्हा रानभाजी महोत्सव स्वातंत्र्यदिनी अर्थात शनिवार, दि. 15 ऑगस्ट रोजी सकाळी 10 ते दु. 3 या वेळेत येथील मूर्तिजापूर रस्त्यावरील ‘आत्मा’ कार्यालयाच्या परिसरात होणार आहे. आरोग्यासाठी पोषक असलेल्या अनेक रानभाज्या या माध्यमातून नागरिकांना उपलब्ध होणार आहेत.    नागरिकांना रानभाज्यांची ओळख,    आरोग्यविषयक महत्व व जनजागृतीसाठी रानभाजी महोत्सवाचे आयोजन करण्यात आले आहे. त्यात शेतकरी, तसेच शेतकरी गटांमार्फत रानभाज्या    विक्री केली जाईल. जिल्ह्यातून अधिकाधिक नागरिकांनी महोत्सवाला भेट द्यावी, असे आवाहन प्रकल्प संचालक डॉ. प्रेमसिंग मारग यांनी केले आहे. ०००

  भारताचा ८० वा स्वातंत्र्यदिन मुख्य शासकीय समारंभ जिल्हाधिकारी कार्यालयाच्या प्रांगणात अकोला, दि. १३ : भारताच्या ८० व्या स्वातंत्र्यदिनानिमित्त मुख्य शासकीय समारंभ जिल्हाधिकारी कार्यालयाच्या प्रांगणात सकाळी ९.०५ वा. होणार आहे. राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या हस्ते राष्ट्रध्वजारोहण होईल. यादिवशी ८.३५ ते ९.३५ या वेळेत इतर कोणताही शासकीय समारंभ आयोजित करण्यात येऊ नये. ध्वजस्तंभाची रंगरंगोटी, परिसराची, तसेच प्रमुख मार्गांची स्वच्छता आदी कामे पूर्ण करण्याचे निर्देश देण्यात आले आहेत. कार्यालये, आस्थापना, प्राधिकरणांनी व इतर संस्थांनी ध्वजारोहणप्रसंगी ध्वजसंहितेचे पालन करावे. जीर्ण, खराब झालेले, माती लागलेले राष्ट्रध्वज गोळा करून ते तालुका व जिल्हा स्तरावरील यंत्रणेकडे सुपुर्द करावेत. राष्ट्रध्वजांची परस्पर विल्हेवाट लावू नये. तसे केल्यास दंडात्मक कारवाई करण्यात येईल, असे निर्देश देण्यात आले आहेत. स्वातंत्र्यदिनी केंद्रीय विद्यालयाचा प्रवेशोत्सव अकोला येथे केंद्रीय विद्यालयाची स्थापना झाली असून, पालकमंत्री ॲड. फुंडकर यांच्या उपस्थितीत ...

    अनुसूचित जाती कल्याण समिताचा अकोला येथे दौरा अकोला, दि. १३ :महाराष्ट्र विधानमंडळाची अनुसूचित जाती कल्याण समिती अकोला येथे दि. १९ व २० ऑगस्ट रोजी येत आहे. समितीच्या उपस्थितीत १९ ऑगस्ट रोजी नियोजनभवन येथे सकाळी १० ते २ या वेळेत यंत्रणांचा आढावा घेण्यात येईल. याचदिवशी दु. २.३० ते ६.३० या वेळेत जिल्हा परिषद येथे आढावा होईल. दि. २० ऑगस्ट रोजी सकाळी १० ते २ वा. महापालिकेत आढावा बैठक होणार आहे.   जिल्ह्यातील सर्व यंत्रणाप्रमुखांनी यावेळी उपस्थित राहण्याचे निर्देश देण्यात आले आहेत. ०००

  इतर मागास बहुजन कल्याण विभाग वसतिगृहात प्रवेशासाठी ऑनलाईन अर्ज करावा : आवाहन अकोला, दि. 11 : इतर मागास बहुजन कल्याण विभागातर्फे अकोल्यात मुलांचे व मुलींचे अशी दोन शासकीय वसतिगृहे सुरू आहेत. त्यात प्रवेशासाठी इच्छूकांनी ऑनलाईन अर्ज करण्याचे आवाहन करण्यात आले आहे. मुलांचे वसतिगृह तापडियानगरात बिर्ला रस्त्यावर असून, त्याची प्रवेश क्षमता 100 विद्यार्थी इतकी आहे. मुलींचे शासकीय वसतिगृह माधवनगरात संत तुकाराम चौकाजवळ असून, तिथे 80 विद्यार्थिनींना प्रवेश मिळू शकतो. दोन्ही वसतिगृहांत प्रवेशासाठी ऑनलाईन अर्ज प्रक्रिया सुरू आहे. चालू शैक्षणिक सत्रात व्यावसायिक व अव्यावसायिक शिक्षणासाठी प्रवेश घेतलेल्या विद्यार्थ्यांनी https://hmasnew.mahait.org   या संकेतस्थळावर अर्ज करावा.           12 वी नंतरच्या उच्च शिक्षण घेण्याऱ्या नवीन प्रवेशितांना व्यावसायिक व अव्यावसायिक अभ्यासक्रमासाठी 31 ऑगस्टपर्यंत अर्ज करता येईल. अर्ज छाननी दि. 1 ते 7 सप्टेंबर दरम्यान होईल व पहिली निवड यादी दि. 8 सप्टेंबरला प्रसिद्ध होईल. पहिल्या निवड यादीनुसार प्रवेश...

  शासकीय आयटीआय अकोला येथे आर्किटेक्चर ड्राफ्टसमन  व्यवसायाला नव्याने मान्यता. अकोला, दि. ११ : सम्राट चंद्रगुप्त मौर्य शासकीय औद्योगिक प्रशिक्षण संस्था अकोला येथे नव्याने संलग्नता प्राप्त झाल्याने आर्किटेक्चर ड्राफ्ट्समन  या व्यवसायाला आणखी २४ जागांची उपलब्धता झालेली आहे.  खूप मागणी असलेल्या या व्यवसायाला दिनांक १२ ऑगस्ट रोजी पासून सुरु होणाऱ्या पहिल्या  समुपदेशन फेरी व इतर फेरीत इच्छुक उमेदवारांनी प्राधान्याने  प्रवेश घ्यावा असे आवाहन संस्थेचे प्राचार्य तथा जिल्हा व्यवसाय शिक्षण व प्रशिक्षण अधिकारी संतोष साळुंके यांनी केले आहे.  संस्थेचे प्रवेश प्रमुख विनोद पायघन यांनी दिलेल्या माहितीनुसार समुपदेशनाची पहिली फेरी ही १२ ऑगस्ट रोजी सकाळी आठ वाजता पासून सुरू होणार आहे. या समुपदेशन फेरीमध्ये जर  पूर्ण प्रवेश न झाल्यास आणखी पुढे समुपदेशन फेऱ्या ह्या होणार आहेत.तरी त्याकरता फेरीच्या आधी ऑनलाईन हजेरी दाखल करून समुपदेशन फेरीला हजर रहावे अशी माहिती दिली.  पुढील फेरी करिता रिक्त जागा आणि समुपदेशन फेरी याबद्दलच्या  अधिक माहिती करता संस्थेशी संपर्क ...

      राखीपौर्णिमेनिमित्त अकोला रेल्वे टपाल काऊंटरवर विशेष सुविधा राखी पार्सलचे रात्री उशिरापर्यंत बुकिंग करता येईल अकोला, दि. 11 : राखीपौर्णिमेनिमित्त राखी भेटवस्तू, पार्सल आणि इतर टपाल वस्तूंच्या बुकिंगमध्ये होणारी संभाव्य वाढ लक्षात घेता सर्वसामान्यांच्या सोयीसाठी अकोला रेल्वेस्थानक येथील टपाल काऊंटरवर रात्री उशिरापर्यंत बुकिंगची सुविधा उपलब्ध करून देण्यात आली आहे.   राख्यांची पार्सले वेळेवर रवाना आणि वितरित करता यावीत यासाठी अकोला रेल्वे टपाल सेवा काऊंटर दुपारी 4 ते रात्री 9 या वेळेत सुरू राहील. त्यामुळे ग्राहकांना कार्यालयीन वेळेनंतरही आपली पार्सल बुक करता येतील. या लेट नाईट बुकिंग काऊंटरवर स्पीड पोस्ट, पार्सल सेवा, आंतरराष्ट्रीय टपाल सेवा, आंतरराष्ट्रीय पार्सल सेवा, बल्क बुकिंग व ई-कॉमर्स या सेवा उपलब्ध असतील. आंतरराष्ट्रीय स्पीड पोस्ट, आंतरराष्ट्रीय ट्रॅक्ड पॅकेट सेवा आणि पार्सले यासारख्या विविध आंतरराष्ट्रीय टपाल सेवांचा लाभ ग्राहक घेऊ शकतात. सुरक्षित हाताळणी, पारदर्शक ट्रॅकिंग आणि व्यापक जागतिक पोहोच हे या सुविधांचे वैशिष्ट्य आहे. या विशेष सु...

 मुख्यमंत्री सचिवालय (जनसंपर्क कक्ष) मंगळवार, दि. ११ ऑगस्ट, २०२६. मंत्रिमंडळ निर्णय (संक्षिप्त) • भूसंपादनाचा मोबदला विलंबाने अदा झाल्यास, देण्यात येणाऱ्या व्याज दरांत सुधारणा. भूमिसंपादन, पुनर्वसन व पुनर्स्थापना करताना वाजवी भरपाई मिळण्याचा व पारदर्शकतेचा हक्क अधिनियम, २०१३ चे कलम ७२ मध्ये सुधारणा करण्यात येणार. (महसूल विभाग)  • नवीकरणीय ऊर्जा प्रकल्पांसाठी स्थापन करण्यात येणाऱ्या कंपन्यांचा समूह किंवा विशेष वहन यंत्रणा (Special Purpose Vehicles (SPVs) कंपन्यांमधील अंतर्गत जमीन हस्तांतरणाच्या व्यवहारांवरील मुद्रांक शुल्कात माफ करण्याचा निर्णय़. (महसूल विभाग)  • नवीकरणीय ऊर्जा प्रकल्पांकरीता खरेदी करण्यात आलेल्या जमिनीच्या हस्तांतरण शुल्कात २५ % सूट. (महसूल विभाग)  • राज्याच्या कृषि विभागात कृषि संचालक, सहसंचालकांसह चार पदांच्या निर्मितीस मान्यता. कृषि विभागाच्या क्षेत्रिय कार्यालयांच्या सुधारित आकृतीबंधानुसार पदांना मान्यता. कृषि संचालक (कृषी अभियांत्रिकी, मालमत्ता व्यवस्थापन व अॅग्रीस्टॅक), कृषि सह संचालक (सांख्यिकी), कृषि सह संचालक (माहिती व तंत्रज्ञान) ही ...

    वसतिगृहात प्रवेशासाठी अर्ज करण्याचे आवाहन   अकोला, दि. 11 :   येथील भारतरत्न डॉ. बाबासाहेब आंबेडकर मुलांचे शासकीय वसतिगृह येथे व्यावसायिक अभ्यासक्रमाचे शिक्षण घेत असलेल्या बाहेरगावच्या विद्यार्थ्यांना रिक्त असलेल्या जागेवर विनामूल्य प्रवेश देणे सुरु आहे. इच्छूकांनी १५ ऑगस्टपूर्वी ऑनलाईन अर्ज करून त्याची प्रत वसतिगृहाच्या कार्यालयात सादर करावी, असे आवाहन गृहपाल के.एम.तिडके (मो.नं. 8308058833) यांनी केले आहे. वसतिगृहात विद्यार्थ्याना राहण्याची व्यवस्था, नाश्ता व जेवण, तसेच स्टेशनरी भत्ता, गणवेश भत्ता, मासिक निर्वाह भत्ता, अभ्यासिका आदी सुविधा विनामूल्य मिळतात. विद्यार्थ्यांना गुणांच्या टक्केवारीनुसार प्रवेश मिळेल. विद्यार्थ्यांनी ऑनलाईन अर्ज भरून वसतीगृहात सादर करावे, असे आवाहन करण्यात आले.   ००    

    स्वाधारसाठी  शासकीय वसतिगृहाचा अर्ज भरणे बंधनकारक                       अकोला, दि. १० : अनुसूचित जाती व नवबौध्द प्रवर्गातील विद्यार्थ्यांना  शासकीय वसतिगृहात प्रवेश न मिळालेल्या विद्यार्थ्यापैकी अनुसूचित जाती व नवबौध्द घटकातील इयत्ता 11 वी 12 वी  तसेच इयत्ता 12 वी नंतरच्या व्यावसायिक व अव्यावसायिक  अभ्यासक्रमामध्ये प्रवेश मिळालेल्या विद्यार्थ्यांना पुढील शिक्षण घेता यावे म्हणुन भोजन, निवास व इतर शैक्षणिक सुविधा या विद्यार्थ्यांना स्वत्: उपलब्ध करुन घेण्यासाठी आवश्यक रक्कम विद्यार्थ्यांच्या आधार संलग्न बँक खात्यामध्ये थेट जमा करण्याकरिता  शासनाने भारतरत्न डॉ. बाबासाहेब आंबेडकर स्वाधार योजना सुरु केली आहे.              सन 2026-27 मध्ये  स्वाधार योजनेचा लाभ घेणेकरिता  इयता 12वी नंतरच्या व्यावसायिक अभ्यासक्रमाच्या  पात्र विद्यार्थ्यांनी प्रथम शासकीय वसतिगृह प्रवेशासाठी  दिनांक 15/09/...

  अकोल्यात प्राथमिक आरोग्य सेवेला नवी ऊर्जा ! संयुक्त प्रशिक्षणातून आरोग्य पथक होणार अधिक सक्षम अकोला , दि. १० : राज्य शासनाच्या सार्वजनिक आरोग्य विभागाच्या वतीने प्राथमिक आरोग्य सेवा अधिक सक्षम आणि परिणामकारक करण्यासाठी राज्यभर राबविण्यात येत असलेल्या विशेष प्रशिक्षण मोहिमेला अकोला जिल्ह्यात उत्स्फूर्त सुरुवात झाली आहे . या प्रशिक्षणाचे सर्वात मोठे वैशिष्ट्य म्हणजे आशा ( एएनएम     एमपीडब्ल्यू     सीएचओ     आणि प्राथमिक आरोग्य केंद्रातील इतर कर्मचारी अशा संपूर्ण आरोग्य पथकाला प्रथमच एकत्रित प्रशिक्षण दिले जात आहे . यापूर्वी प्रत्येक घटकाचे स्वतंत्र प्रशिक्षण होत असताना आता ७ ते १० सदस्यांचे संपूर्ण पथक एकत्र प्रशिक्षण घेत असल्याने परस्पर समन्वय वाढून ग्रामीण आरोग्य सेवा अधिक प्रभावी होणार आहे .   प्राथमिक आरोग्य केंद्राचे नेतृत्व आणि संपूर्ण आरोग्य पथक सक्षम झाले तर जिल्ह्यातील सार्वजनिक आरोग्य व्यवस्थेत मोठा सकारात्मक बदल घडू शकतो ...

 स्वाधार योजनेच्या नूतनीकरणासाठी १५ सप्टेंबरपर्यंत अर्ज करा पात्र विद्यार्थ्यांना सहायक आयुक्त समाज कल्याण यांचे आवाहन अकोला, दि. ६ : भारतरत्न डॉ. बाबासाहेब आंबेडकर स्वाधार योजनेअंतर्गत सन २०२६-२७ या शैक्षणिक वर्षासाठी लाभ सुरू ठेवण्यासाठी पात्र विद्यार्थ्यांनी नूतनीकरणाचे ऑनलाइन अर्ज १५ सप्टेंबर २०२६ पर्यंत सादर करावेत, असे आवाहन सहायक आयुक्त, समाज कल्याण कार्यालयाकडून करण्यात आले आहे. ज्या विद्यार्थ्यांना सन २०२५-२६ या शैक्षणिक वर्षात स्वाधार योजनेचा लाभ मिळाला असून ते सध्या इयत्ता १२ वी, सर्व व्यावसायिक तसेच बिगर व्यावसायिक अभ्यासक्रमांच्या द्वितीय, तृतीय किंवा चतुर्थ वर्षात शिक्षण घेत आहेत अशा विद्यार्थ्यांनी hmasnew.mahait.org या संकेतस्थळावर जाऊन विहित मुदतीत नूतनीकरणाचा अर्ज ऑनलाइन सादर करणे आवश्यक आहे. विहित मुदतीत अर्जाचे नूतनीकरण न करणाऱ्या विद्यार्थ्यांना स्वाधार योजनेचा लाभ घेण्याची इच्छा नाही, असे गृहीत धरून त्यांचा अर्ज अपात्र करण्यात येईल. तसेच अशा विद्यार्थ्यांना चालू शैक्षणिक वर्षात स्वाधार योजनेचा लाभ मिळणार नसल्याचे समाज कल्याण विभागाने स्पष्ट केले आहे. पात्र विद...