रॅपिड ॲन्टीजन टेस्ट: आज दिवसभरात ९० चाचण्या; एक पॉझिटीव्ह

 अकोला,दि.२८ (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या ९० चाचण्या झाल्या त्यात एकाचा अहवाल पॉझिटीव्ह आला,अशी माहिती निवासी उपजिल्हाधिकारी संजय खडसे यांनी दिली.

आज दिवसभरात  अकोट येथे १६, बाळापूर येथे ११, बार्शी टाकळी येथे एक, आयएमए येथे ११, आरोग्य कर्मचाऱ्यांच्या २०, शासकीय वैद्यकीय महाविद्यालयात १८ चाचण्या झाल्या त्यात एकही अहवाल पॉझिटीव्ह आला नाही. तर तेल्हारा येथे १३ जणांच्या चाचण्या झाल्या त्यात एकाचा अहवाल पॉझिटीव्ह आला. आतापर्यंत जिल्ह्यात २८ हजार ५२३ रॅपिड ॲन्टीजेन चाचण्या झाल्या त्यापैकी १९१६ पॉझिटीव्ह आले आहेत, असे जिल्हा प्रशासनाने कळविले आहे.