रॅपिड ॲन्टीजन टेस्ट: आज दिवसभरात 125 चाचण्या, सहा पॉझिटिव्ह

 

अकोला,दि.19 (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 125 चाचण्या झाल्या त्यात सहा जणांचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.

आज दिवसभरात अकोट येथे नऊ, बाळापूर येथे तीन, बार्शिटाकळी येथे सहा, तेल्हारा येथे 17, अकोला आयएमए येथे आठ, आरोग्य कर्मचारी येथे 42 तर हेगडेवार लॅब येथे दोन चाचण्या झाल्या त्यात कुणीही  पॉझिटीव्ह आले नाही. तसेच शासकीय वैद्यकीय महाविद्यालयात 38 चाचण्या होऊन सहा जणांचे अहवाल पॉझिटीव्ह आले,  आतापर्यंत जिल्ह्यात 27 हजार 658 रॅपिड ॲन्टीजेन चाचण्या झाल्या त्यापैकी 1886 पॉझिटीव्ह आले आहेत,  असे जिल्हा प्रशासनाने कळविले आहे.