महानगर पालिका क्षेत्रात रात्रीची संचारबंदी - जिल्हाधिकारी जितेंद्र पापळकर

अकोला,दि. 22(जिमाका)- महाराष्ट्र शासनाच्या मार्गदर्शक सूचनेनुसार व कोरोना विषाणूचा प्रादुर्भाव व फैलाव  कमी होण्याकरीता महानगर पालिका क्षेत्रामध्ये  22 डिसेंबर 2020 ते 5 जानेवारी 2021  या कालावधीत रात्रीची संचारबंदी (रात्रीचे 11.00 वाजेपासून सकाळी 6 वाजेपर्यंत) लागू करण्याचे आदेश जिल्हाधिकारी जितेंद्र पापळकर यांनी दिले आहे. 

शासकीय तसेच खाजगी अब्युलन्स सेवा, रात्रीच्या वेळेस सुरु राहणारी औषधीचे दुकाने, रात्रीच्या वेळेस सुरु राहणारे पेट्रोलपंप, भाजीपाला विक्री, दुध व दुग्धजन्य पदार्थ विक्री करणाऱ्या डेअरी, रेल्वेने तसेच एस.टी बस व खाजगी वाहनाने उतारणाऱ्या प्रवाशाकरीता ॲटोरिक्षा यांना संचारबंदीचे कालावधीमध्ये मुभा राहील.  हे आदेश दि. 22 डिसेंबरपासून संपूर्ण अकोला महानगर पालिका क्षेत्राकरिता लागू राहतील, असे आदेशात नमूद करण्यात आले आहे.