रॅपिड ॲन्टीजन टेस्ट: आज दिवसभरात ९३ चाचण्या; आठ पॉझिटीव्ह

 अकोला,दि.२९ (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या ९३ चाचण्या झाल्या त्यात आठ जणांचा अहवाल पॉझिटीव्ह आला,अशी माहिती निवासी उपजिल्हाधिकारी संजय खडसे यांनी दिली.

आज दिवसभरात  अकोट येथे १९ जणांच्या चाचण्या झाल्या त्यात सात जण पॉझिटीव्ह आले, तर हेडगेवार लॅब येथे तीन जणांच्या चाचण्या झाल्या त्यात एक जण पॉझिटिव्ह आला. तर  तेल्हारा येथे नऊ, मुर्तिजापूरे येथे सहा, आयएमए येथे सहा, आरोग्य कर्मचाऱ्यांच्या २०, शासकीय वैद्यकीय महाविद्यालयात ३० चाचण्या झाल्या त्यात एकही अहवाल पॉझिटीव्ह आला नाही. आतापर्यंत जिल्ह्यात २८ हजार ६१७ रॅपिड ॲन्टीजेन चाचण्या झाल्या त्यापैकी १९२४ पॉझिटीव्ह आले आहेत, असे जिल्हा प्रशासनाने कळविले आहे.