रॅपिड ॲन्टीजेन टेस्टः८७ चाचण्यात दोन जणांचे अहवाल पॉझिटीव्ह

 अकोला,दि. २१ (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या ८७ चाचण्या झाल्या त्यात दोन जणांचा अहवाल पॉझिटीव्ह आला,अशी माहिती निवासी उपजिल्हाधिकारी संजय खडसे यांनी दिली.

आज दिवसभरात अकोट येथे २१, बार्शीटाकळी येथे एक, तेल्हारा येथे १०,  मुर्तिजापूर येथे एक, अकोला आयएमए येथे नऊ, वैद्यकीय कर्मचाऱ्यांच्या १६ चाचण्या झाल्या. त्यात कुणाचाही अहवाल पॉझिटीव्ह आला नाही. तर जीएमसी येथे २९ जणांच्या चाचण्या झाल्या त्यात दोन जणांचा अहवाल पॉझिटीव्ह आला. अशा एकूण ८७ चाचण्यांमधून दोन जणांचे अहवाल पॉझिटीव्ह आले. आतापर्यंत जिल्ह्यात ३१ हजार २३८ चाचण्या झाल्या पैकी २०६३ जणांचे अहवाल पॉझिटीव्ह आले आहेत.