राजर्षी छत्रपती शाहु महाराज गुणवत्ता पुरस्कार 30 जानेवारीपर्यंत प्रस्ताव सादर करा

 

        अकोला,दि.28 (जिमाका)- इयत्ता 10 वी व 12 वी च्या परिक्षेत विशेष उल्लेखनिय यश मिळवणाऱ्या अनुसुचित जाती, विजाभज व विमाप्र प्रवर्गाच्या मुला-मुलींना सामाजिक न्याय व विशेष सहाय्य विभागामार्फत राजर्षी छत्रपती शाहु महाराज गुणवत्ता पुरस्कार प्रदान करण्यात येतो. माध्यमिक शाळा व महाविद्यालयाच्या शिफारशीसह प्रस्ताव शनिवार दि.30 पर्यंत सहाय्यक आयुक्त, समाज कल्याण कार्यालयात सादर करावा, असे आवाहन समाज कल्याण विभागाचे सहाय्यक आयुक्त यांनी केले आहे.

योजनेअंतर्गत सर्वसाधारण विद्यार्थ्यांमधुन प्रत्येक माध्यमिक विद्यालयात व कनिष्ठ महाविद्यालयामध्ये इयत्ता 10 वी व 12 वीच्या परिक्षेत प्रथम आलेल्या अनुसुचित जाती, विजाभज व विमाप्र प्रवर्गाच्या विद्यार्थ्यास रुपये पाच हजार रोख पारितोषक, स्मृती चिन्ह व प्रमाणपत्र देण्यात येते. माध्यमिक शाळा व महाविद्यालयामधुन इयत्ता 10 वी 12 वीच्या परिक्षेत सर्वसाधारण विद्यार्थ्यामधुन प्रथम आलेल्या अनुसुचित जाती, विजाभज व विमाप्र प्रवर्गाच्या विद्यार्थ्याचे प्रस्ताव सादर करावा. प्रस्तावा सोबत  विद्यार्थ्यास सक्षम प्राधिकाऱ्यांनी दिलेले जातीचे प्रमाणपत्र, गुणपत्रिकेची  साक्षांकित प्रत, शाळा सोडल्याचा दाखला, मुख्याध्यापकांच्या खाते पुस्तकाची झेरॉक्स व विद्यार्थ्यांचे खाते, पुस्तकांची झेरॉक्स प्रत जोडावी. मुदतीत प्रस्ताव प्राप्त न झाल्यास व विद्यार्थी योजनेपासुन वंचित राहिल्यास याची सर्वस्वी जबाबदारीही माध्यमिक शाळा व महाविद्यालय प्रमुखाची राहील,असेही कळविण्यात आले आहे.