रॅपिड ॲन्टीजेन टेस्टः 33 चाचण्यात सहा पॉझिटीव्ह

 

अकोला,दि. 31(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 33 चाचण्या झाल्या त्यात सहा जणांचा अहवाल पॉझिटीव्ह आला,अशी माहिती निवासी उपजिल्हाधिकारी संजय खडसे यांनी दिली.

आज दिवसभरात शासकीय वैद्यकीय महाविद्यालयात 26 चाचण्या झाल्या त्यात पाच जणांचे अहवाल पॉझिटीव्ह आला, तर हेगडेवार लॅब येथे सात  चाचण्या झाल्या त्यात एकाचा अहवाल पॉझिटीव्ह आला.  अशा एकूण 33 चाचण्यांमधून सहा जणांचा अहवाल पॉझिटीव्ह आला. आतापर्यंत जिल्ह्यात 31 हजार 819 चाचण्या झाल्या पैकी 2099 जणांचे अहवाल पॉझिटीव्ह आले आहेत.