रॅपिड ॲन्टीजेन टेस्टः 82 चाचण्यात तीन पॉझिटीव्ह

अकोला,दि. 29(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 82 चाचण्या झाल्या त्यात तीन जणांचा अहवाल पॉझिटीव्ह आला,अशी माहिती निवासी उपजिल्हाधिकारी संजय खडसे यांनी दिली.

आज दिवसभरात तेल्हारा येथे पाच, आरोग्य कर्मचाऱ्यांचे 21 चाचण्या झाल्या त्यात कुणाचाही अहवाल पॉझिटिव्ह आला नाही, तर अकोट येथे 12 चाचण्या झाल्या त्यात दोन जणांचे अहवाल पॉझिटीव्ह आला, तर   शासकीय वैद्यकीय महाविद्यालयात 44 चाचण्या झाल्या त्यात एकाचा अहवाल पॉझिटीव्ह आला.  अशा एकूण 82 चाचण्यांमधून तीन जणांचा अहवाल पॉझिटीव्ह आला. आतापर्यंत जिल्ह्यात 31 हजार 786 चाचण्या झाल्या पैकी 2093 जणांचे अहवाल पॉझिटीव्ह आले आहेत.