ग्रामपंचायत निवडणूकीच्या मतदानाच्या दिवशी सुट्टी व सवलत
अकोला,दि.13 (जिमाका)- ग्रामपंचायत सार्वत्रिक निवडणूका 2020-2021 करीता शुक्रवार (दि.15) रोजी मतदान होणार आहे. मतदानाचे दिवशी मुक्त,निर्भय व पारदर्शक वातावरणांत निवडणूका पार पाडण्याच्या दृष्टीने ठेवणे मा.राज्य निवडणूक आयोगाने खालीलप्रमाणे निर्देश निर्गमित केलेले आहे.
उपरोक्त
निवडणूक कार्यक्रमानुसार संबंधीत निवडणूक क्षेत्रातील सर्व दुकाने,आस्थापना ,
निवासी हॉटेल्स, खाद्यगृहे, व्यापार, औद्योगीक
उपक्रम किंवा इतर आस्थापना यामधील कामगारांना मतदानाच्या दिवशी (दि.15)
रोजी मतदानाचा हक्क बजावण्यासाठी भरपगारी सुट्टी जाहीर करावी. निवडणूक होणा-या
ज्या ग्रामपंचायतींच्या लगतच्या क्षेत्रात
औद्योगीक वसाहती (MIDC) तसेच महानगर पालिकेसारख्या मोठया नागरी वसाहती वसलेल्या आहेत, अशा ठिकाणी
नोकरी निमीत्ताने कामास येणा-या संबंधीत ग्रामपंचायतीं मधील मतदारांना मतदानाचा
हक्क बजावता यावा या दृष्टीने अशा
मतदारांना उक्त नमुद केलेल्या मतदानाच्या दिवशी भरपगारी सुट्टी / विशेष सवलत देण्यात यावी. शहरी भागात किंवा निवडणूका नसलेल्या भागातील
दुकाने दुकाने/कंपन्या/वाणिज्यीक आस्थापना बंद ठेवण्याची आवश्यकता नाही.
जिल्ह्यातील निवडणूक क्षेत्रातील मतदारांना
मतदानाचे दिवशी मतदानाचा हक्क
बजावता यावा, या करीता मतदानाचे दिवशी
शुक्रवार (दि.15) रोजी सुट्टी जाहिर करणे/
सवलत देणे बाबतचे आदेश जिल्हाधिकारी
जितेंद्र पापळकर यांनी दिले आहेत.
आयोगाचे आदेशांचे पालन न केल्यास संबंधीत आस्थापनांविरूद्ध आवश्यक ती कारवाई करण्यात
येईल.
टिप्पण्या
टिप्पणी पोस्ट करा