एमपीएससी राज्यसेवा (पुर्व) परीक्षेचे आयोजन
अकोला,दि.20 (जिमाका)- महाराष्‍ट्र लोकसेवा आयोगातर्फे जिल्ह्यात रविवारी (दि. 21) रोजी महाराष्‍ट्र लोकसेवा आयोग राज्यसेवा
(पुर्व) परिक्षेचे आयोजन करण्यात आले आहे. जिल्ह्यातील 18 उपकेंद्रावर सकाळी 10 ते
12 व दुपारी तीन ते पाच या
वेळेत होणार आहे. एमपीएससी परीक्षेकरीता
एकुण 4 हजार 977 उमेदवार परिक्षा देण्यार असून
परिक्षेकरीता अधिकारी व कर्मचाऱ्यांचे नियुक्ती करण्यात आले आहे. त्यात पाच
समन्वय अधिकारी, 18 उपकेंद्रप्रमुख, 76 पर्यवेक्षक तर 244 समवेक्षक यांची सेवा
परिक्षेकरीता घेण्यात आली असल्याची माहिती निवासी उपजिल्हाधिकारी संजय खडसे यांनी
दिली आहे.
कोवड प्रतिबंधात्मक उपायोजना करण्यात
आले आहे. त्याकरीता परीक्षेकरीता नियुक्त करण्यात आलेले सर्व अधिकारी व
कर्मचाऱ्यांचे कोरोना चाचणी करण्यात आले असून चाचण्या करण्यात आलेल्या एकूण 374 नमुनेपैकी 28 जणांचे चाचणी अहवाल पॉझिटिव्ह
आले आहे. पॉझिटिव्ह आलेले कर्मचाऱ्यांना बदलुन त्यांचेऐवजी अतिरीक्त कर्मचाऱ्याची
नियुक्ती करण्यात आली आहे. प्रत्येक उपकेंद्रावर बेसीक कोविड किट (Basic
Covid kit), परीक्षेकरीता उपस्थित राहणाऱ्या प्रत्येक उमेदवार हातमोजे,
मास्क, सॅनिटायर दिल्या जाणार आहे. तसेच
परिक्षेकरीता नियुक्त करण्यात आलेल्या प्रत्येक अधिकारी व कर्मचाऱ्यांना फेसशिल्ड, हातमोजे, मास्क व सॅनिटायझरचा वापर
करण्यात येणार आहे. कोरोना विषाणुची लक्षणे दिसुन येत असलेल्या उमेदवारांच्या
वापराकरीता Personal Protetive Eqipment Kit (PPEK) दिल्या जाणार आहे.
टिप्पण्या
टिप्पणी पोस्ट करा