रॅपिड ॲन्टीजेन टेस्टः 191 चाचण्यात 35 पॉझिटीव्ह

 

अकोला,दि. 12(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.11) दिवसभरात झालेल्या 191 चाचण्या झाल्या त्यात 35 जणांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

 काल दिवसभरात अकोला आयएमए येथे 87 चाचण्या झाल्या त्यात सात जणांचे अहवाल पॉझिटिव्ह आले, शासकीय वैद्यकीय महाविद्यालयातून 85 चाचण्या झाल्या त्यात 28 जणांचे अहवाल पॉझिटिव्ह आले, तर बार्शीटाकळी येथे एक व आरोग्य कर्मचाऱ्यांचे 18 चाचण्या झाल्या त्यात कोणाचाही अहवाल पॉझिटिव्ह आला नाही, असे  एकूण 191 चाचण्यात 35 जणांचा अहवाल पॉझिटीव्ह आला. आतापर्यंत जिल्ह्यात 45 हजार 066  चाचण्या झाल्या पैकी  3508  जणांचे अहवाल पॉझिटीव्ह आले आहेत.