योगा, स्विमिंग पुल, सिनेमा हॉल व इनडोअर खेळ सुरु करण्याबाबत जिल्हाधिकारी जितेंद्र पापळकर यांचे आदेश
अकोला, दि.5(जिमाका)- कोरोना विषाणू
प्रतिबंधात्मक उपाययोजनेअंतर्गत महसूल व वन विभागाच्या
सूचनेनुसार गुरुवार दि. 5 नोव्हेंबर 2020 पासून
स्वीमींग पूल, योगा संस्था, सर्व प्रकारचे इनडोअर खेळ व चित्रपत्र गृह सुरु
करण्याबाबतचे आदेश प्रतिबंधात्मक आदेश अटी व शर्तीच्‍या अधिन राहून जिल्हाधिकारी जितेंद्र
पापळकर यांनी जारी केले आहे.
मिशन बिगेन अगेन
अंतर्गत गुरुवार दि. 5 नोव्हेंबर पासून
मार्गदर्शक सूचना निर्गमित करण्यात आल्‍या आहेत.
कोविड-19 चा प्रादुर्भाव व फैलाव होवू नये या
करिता सामाजिक अंतर व इतर आवश्यक उपाययोजनेचा अवलंब करुन अकोला जिल्ह्यातील
प्रतिबंधात्मक क्षेत्राबाहेरील (Outside the Containment
Zone) दि. 5 नोव्हेंबर पासून पुढील नमूद केलेल्‍या
बाबी पुढील आदेशापर्यंत सुरु करण्यास याद्वारे परवानगी देत आहे.
स्वीमींग
पूल- राज्य ,
राष्‍ट्रीय व आंतरराष्ट्रीय स्‍तरावरील खेळाडूंना सराव करण्‍याकरिता (या करिता क्रिडा व
युवक कार्य विभाग यांचे कार्यालयाकडून स्‍वतंत्र मानके निर्गमित करण्यात येतील),
योगा संस्था (या करिता सार्वजनिक आरोग्य विभाग यांचे
कार्यालयाकडून स्‍वतंत्र मानके निर्गमित करण्यात येतील) सर्व प्रकारचे इनडोअर स्‍पोर्टस
, जसे बॅडमिन्‍टन,
टेनीस, स्‍काश,
इनडोअर शुटींग रेन्‍ज ई., सिनेमा हॉल,
थियेटर, मल्‍टीप्‍लेक्‍स,
ड्रामा थियेटर हे एकूण आसन क्षमतेच्‍या 50% मर्यादेत सुरु करता येईल. (या
करिता सांस्‍कृतीक कार्य विभाग व स्‍थानिक
प्राधिकरण यांचे कार्यालयाकडून स्‍वतंत्र मानके निर्गमित करण्यात येतील)
सदरचे आदेश हे दि. 4
नोव्हेंबर पासून संपूर्ण अकोला
शहर व जिल्हयातील शहरी व ग्रामीण भागाकरीता लागू राहतील.
टिप्पण्या
टिप्पणी पोस्ट करा