मिशनबिगीन अंतर्गत 31 डिसेंबरपर्यंत आदेश कायम - जिल्हाधिकारी जितेंद्र पापळकर

         अकोला,दि.30(जिमाका)- कोरोना विषाणू प्रतिबंधात्मक उपाययोजने अंतर्गत जिल्ह्यात  30 नोव्हेंबरपर्यंत आदेश लागू करण्यात आले होते.  महाराष्ट्र शासनाच्या मार्गदर्शक सूचनेनुसार हे आदेश कायम ठेवण्यात आले असून त्याची मुदत दि. 31 डिसेंबरपर्यंत वाढविण्यात आली आहे. यापुर्वी प्रशासनाव्दारे लावण्यात आलेले निर्बंधामध्ये देण्यात आलेली सुलभता व टप्पानिहाय लॉकडाऊन उघडण्याबाबतचे आदेश कायम ठेवण्यात येत असल्याचे  जिल्हाधिकारी जितेंद्र पापळकर यांनी स्पष्ट केले आहे.  हे आदेश दि.31 डिसेंबरचे मध्‍यरात्रीपर्यंत संपूर्ण अकोला  शहर व जिल्हयातील शहरी व ग्रामीण भागाकरीता लागू राहतील, असे आदेशात नमूद करण्यात आले आहे.