ऑनलाईन पंडीत दिनदयाल उपाध्‍याय रोजगार मेळाव्‍याचे आयोजन
अकोला,दि.24(जिमाका)- जिल्ह्यातील सुशिक्षित बेरोजगार उमेदवारांना नोकरीच्‍या संधी उपलब्ध व्‍हाव्‍यात
या उद्देशाने जिल्हा कौशल्‍य विकास, रोजगार व उद्योजकता
मार्गदर्शन केंद्र, अकोलाचे वतीने ऑनलाईन पंडीत दीनदयाल उपाध्‍याय रोजगार मेळाव्‍याचे
आयेाजन दिनां‍क 25 नोव्हेंबर ते 30 नोव्हेंबर या कालावधीत करण्यात
आलेले आहे.
सदर मेळाव्‍यामध्‍ये नामांकित खाजगी उद्योजक, कंपनी
व त्यांचे प्रतिनिधी विविध पदासाठी ऑनलाईन भरती
प्रक्रिया राबव‍तील. दहावी, बारावी, आय.टी.आय.,पदवीका
व पदवीधारक पात्र पुरुष व महिला उमेदवारांना ऑनलाईन अप्‍लॉय करुन या ऑनलाईन रोजगार मेळाव्‍यात
सहभागी होता येईल.
कौशल्‍य विकास व
उद्योजकता विभागाच्या - www.mahaswayam.gov.in या
संकेतस्‍थळावर नाव नोंदणी केलेल्‍या दहावी, बारावी, पदवी, आयटीआय पास, पदवीका व पदवी पुरुष तसेच महिला
उमेदवारांनी आपल्‍या सेवायोजन कार्ड ( Employment
Card ) चा युझर आयडी व पासवर्डचा वापर करुन आपल्‍या लॉग इन मधुन ऑनलाईन अप्‍लॉय करु शकतात. ऑनलाईन अप्‍लॉय
केलेल्‍या उमेदवारांचे कंपनी, उद्योजक
व एच.आर.प्रतिनिधी यांचे कडून ऑनलाईन मुलाखती घेऊन निवड प्रक्रीया
राबवितील.
सदर ऑनलाईन रोजगार मेळाव्‍यात जास्‍तीत जास्‍त उमेदवारांनी आपल्‍या शैक्षणीक पात्रतेच्‍या
आधारे ऑनलाईन अप्‍लॉय करुन सहभाग नोंदविण्याचे आवाहन जिल्हा
कौशल्‍य विकास, रोजगार व उद्योजकता मार्गदर्शन केंद्र सहायक
आयुक्‍त प्रा.यो.बारस्‍कर यांनी केले आहे.
टिप्पण्या
टिप्पणी पोस्ट करा