632 अहवाल प्राप्त; 45 पॉझिटीव्ह, 24 डिस्चार्ज

 

अकोला,दि. 24 (जिमाका)-आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 632 अहवाल प्राप्त झाले. त्यातील 587 अहवाल निगेटीव्ह तर 45 जणांचे अहवाल पॉझिटीव्ह आले.

त्याच प्रमाणे काल (दि.23) रॅपिड ॲटीजेन टेस्ट मध्ये 14 जणांचा अहवाल पॉझिटीव्ह आला. त्यामुळे  आता अकोला जिल्ह्यात एकूण पॉझिटीव्ह अहवालांची एकूण संख्या  9120(7276+1667+177) झाली आहे, आज दिवसभरात 24 रुग्ण बरे झाले, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.

 शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 52228 जणांचे नमुने पाठवण्यात आले आहेत. त्यात प्राथमिक तपासणीचे  50896 फेरतपासणीचे 239 तर वैद्यकीय कर्मचाऱ्यांचे 1093 नमुने होते. आजपर्यंत एकूण 51606  अहवाल प्राप्त झाले आहेत. एकूण निगेटीव्ह अहवालांची संख्या 44330 तर पॉझिटीव्ह अहवाल 9120(7276+1667+177) आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.

आज 45 पॉझिटिव्ह

दरम्यान आज दिवसभरात 45 जणांचे अहवाल  पॉझिटीव्ह आले. आज सकाळी 34 जणांचे अहवाल पॉझिटीव्ह आले. त्यात सहा महिला व 28 पुरुषांचा समावेश आहे. त्यातील राम नगर व सहकार नगर येथील प्रत्येकी तीन जण, मलकापूर, तापडीया नगर व कौलखेड येथील प्रत्येकी दोन, तर उर्वरित सुधीर कॉलनी, पातूर, मोठी उमरी, चोहट्टा बाजार, जवाहर रोड, बहिणाबाई खरोटे कन्या विद्यालय, उमरी, पळसोबढे, जठारपेठ, देवरावबाबा चाळ, अकोट, गजानन महाराज मंदिर खदान, बाळापूर, पारस, रामदासपेठ, गोरक्षण रोड, देशमुख फैल, रणपिसे नगर, चिंचोली ता. बाळापूर, सिंधी कॅम्प, जोगळेकर प्लॉट व सांगवी बाजार  येथील प्रत्येकी एक याप्रमाणे रहिवासी आहे. तसेच आज सायंकाळी  11 जणांचे अहवाल पॉझिटीव्ह आले. त्यात पाच महिला व सहा पुरुषांचा समावेश आहे. त्यातील परिवार कॉलनी व अकोट फैल येथील प्रत्येकी दोन जण, तर उर्वरित रिंग रोड, गोकूल कॉलनी, शिवाजी नगर, जठारपेठ, विद्युत नगर, सिंधी कॅम्प व शंकर नगर येथील प्रत्येकी एक याप्रमाणे रहिवासी आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. तसेच काल रात्री रॅपीड ॲन्टीजेन टेस्टमध्ये 14 जणांचा अहवाल पॉझिटिव्ह आला.

24 जणांना डिस्चार्ज

दरम्यान आज दुपारनंतर शासकीय वैद्यकीय महाविद्यालय येथून 12 जण, आयकॉन हॉस्पीटल येथून दोन, हॉटेल रिजेन्सी येथून एक, तसेच होम आयसोलेशनचा कालावधी पूर्ण झाला अशा नऊ जणांना, अशा एकूण 24 जणांना डिस्चार्ज देण्यात आला आहे, अशी माहिती जिल्हा शल्य चिकित्सक कार्यालयातून देण्यात आली आहे.

503 रुग्णांवर उपचार सुरु

आजपर्यंत एकूण पॉझिटीव्ह अहवालांची संख्या 9120(7276+1667+177) आहे. त्यातील 288 जण मयत आहेत. डिस्चार्ज दिलेल्या एकूण व्यक्तींची 8329 संख्या  आहे. तर सद्यस्थितीत 503 पॉझिटीव्ह रुग्ण उपचार घेत आहेत, अशी माहिती शासकीय वैद्यकीय महाविद्यालय व जिल्हा शल्य चिकित्सक कार्यालयाच्या सूत्रांनी दिली आहे.