90 अहवाल प्राप्त; 26 पॉझिटीव्ह, 15 डिस्चार्ज, एक मयत

अकोला,दि. 16 (जिमाका)-आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 90 अहवाल प्राप्त झाले. त्यातील 64 अहवाल निगेटीव्ह तर 26 जणांचे अहवाल पॉझिटीव्ह आले, तर एकाचा मृत्यू झाला.  

त्याच प्रमाणे काल (दि.15) रॅपिड ॲटीजेन टेस्ट मध्ये एकाचा अहवाल पॉझिटीव्ह आला. त्यामुळे  आता अकोला जिल्ह्यात एकूण पॉझिटीव्ह अहवालांची एकूण संख्या  8750(7008+1565+177) झाली आहे, आज दिवसभरात 15 रुग्ण बरे झाले, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.

 शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 44921 जणांचे नमुने पाठवण्यात आले आहेत. त्यात प्राथमिक तपासणीचे  43644 फेरतपासणीचे 239 तर वैद्यकीय कर्मचाऱ्यांचे 1038 नमुने होते. आजपर्यंत एकूण 44748 अहवाल प्राप्त झाले आहेत. एकूण निगेटीव्ह अहवालांची संख्या 37740 तर पॉझिटीव्ह अहवाल 8750(7008+1565+177) आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.

आज 26 पॉझिटिव्ह

दरम्यान आज दिवसभरात 26 जणांचे अहवाल  पॉझिटीव्ह आले. आज सकाळी 26 जणांचे अहवाल पॉझिटीव्ह आले. त्यात चार महिला व 22 पुरुषांचा समावेश आहे. त्यातील विजय हाऊस सोसायटी येथील चार जण, खडकी येथील तीन जण, जीएमसी, डाबकी रोड व पातूर येथील प्रत्येकी दोन जण तर उर्वरित कौलखेड, पारस, न्यू राधकीसन प्लॉट, ज्योती नगर, गोरक्षण रोड, दत्ता कॉलनी, सिटी कोतवाली, पीआयएल कॉलनी, आकाशवाणी कॉलनी, विठ्ठल नगर, कैलास टेकडी, निंबोली ता. तेल्हारा व कृषी नगर येथील प्रत्येकी एक याप्रमाणे रहिवासी आहे. तसेच  आज सायंकाळी कोणाचाही अहवाल पॉझिटीव्ह आला नाही, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. तसेच काल रात्री रॅपीड ॲन्टीजेन टेस्टमध्ये एकाचा अहवाल पॉझिटिव्ह आला.

15 जणांना डिस्चार्ज

दरम्यान आज दुपारनंतर शासकीय वैद्यकीय महाविद्यालय येथून 12 जण, आयकॉन हॉस्पीटल येथून दोन जण, तर हॉटेल रीजेंसी येथून एक जण, अशा एकूण 15 जणांना डिस्चार्ज देण्यात आला आहे, अशी माहिती जिल्हा शल्य चिकित्सक कार्यालयातून देण्यात आली आहे.

एक मयत

दरम्यान आज एकाचा मृत्यू झाला. हा रुग्ण जठारपेठ, अकोला येथील 76 वर्षीय पुरुष असून तो दि. 15 नोव्हेंबर रोजी दाखल झाला होता. त्यांचा उपचार घेतांना मृत्यू झाला.

313 रुग्णांवर उपचार सुरु

आजपर्यंत एकूण पॉझिटीव्ह अहवालांची संख्या 8750(7008+1565+177) आहे. त्यातील 284 जण मयत आहेत. डिस्चार्ज दिलेल्या एकूण व्यक्तींची 8153 संख्या  आहे. तर सद्यस्थितीत 313 पॉझिटीव्ह रुग्ण उपचार घेत आहेत, अशी माहिती शासकीय वैद्यकीय महाविद्यालय व जिल्हा शल्य चिकित्सक कार्यालयाच्या सूत्रांनी दिली आहे.