अमरावती विभाग शिक्षक मतदारसंघाचा निवडणूक कार्यक्रम घोषित आदर्श आचारसंहिता लागू; 1 डिसेंबर रोजी मतदान तर 3 डिसेंबर रोजी मतमोजणी
अकोला,दि. 2 (जिमाका) : भारत
निवडणूक आयोगाने अमरावती विभाग शिक्षक मतदारसंघाचा निवडणूक 2020 कार्यक्रम
आज घोषित केला. यानुसार दि. 1 डिसेंबर 2020 रोजी मतदान होणार
असून, दि. 3 डिसेंबर
2020 रोजी मतमोजणी होणार आहे. या निवडणुकीची आदर्श आचारसंहिता लागू
झाली आहे.
या
निवडणूक कार्यक्रमानुसार निवडणुकीची अधिसूचना गुरूवार दि. 5 नोव्हेंबर
2020 रोजी प्रसिद्ध होणार आहे. नामनिर्देशन पत्र गुरूवार दि. 12 नोव्हेंबर
2020 रोजीपर्यंत भरता येणार आहे. नामनिर्देशन पत्रांची छाननी
शुक्रवार, दि. 13
नोव्हेंबर 2020 रोजी
करण्यात येणार आहे. नामनिर्देशपत्र दाखल केलेल्या उमेदवारांना उमेदवारी अर्ज
मंगळवार, दि. 17
नोव्हेंबर 2020 रोजीपर्यंत
मागे घेता येणार आहे.
या
निवडणुकीसाठी मंगळवार, दि. 1 डिसेंबर 2020 रोजी सकाळी 8 ते
सायंकाळी 5 वाजेपर्यंत मतदान होणार आहे. त्यानंतर दि. 3 डिसेंबर
2020 रोजी मतमोजणी होणार आहे. या निवडणुकीची संपूर्ण प्रक्रिया
सोमवार, दि. 7 डिसेंबर रोजी पुर्ण होणार आहे. या निवडणुकीबाबत आदर्श
आचारसंहिता तात्काळ प्रभावाने लागू करण्यात आली आहे. या आदर्श आचारसंहितेचे पालन
संबंधितांनी करावे, असे आवाहन जिल्हाधिकारी तथा जिल्हा निवडणुक अधिकारी
जितेंद्र पापळकर यांनी केले
आहे.
टिप्पण्या
टिप्पणी पोस्ट करा