117 अहवाल प्राप्त; 13 पॉझिटीव्ह, 23 डिस्चार्ज
अकोला,दि. 6 (जिमाका)-आज दिवसभरात शासकीय वैद्यकीय
महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 117 अहवाल प्राप्त झाले. त्यातील 104 अहवाल निगेटीव्ह तर
13 जणांचे अहवाल पॉझिटीव्ह आले.
त्याच प्रमाणे काल (दि.5) रॅपिड ॲटीजेन टेस्ट
मध्ये सहा जणांचा अहवाल पॉझिटीव्ह आला. त्यामुळे आता
अकोला जिल्ह्यात एकूण पॉझिटीव्ह अहवालांची एकूण संख्या 8514(6854+1483+177) झाली आहे. आज दिवसभरात 23 रुग्ण बरे झाले, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली
आहे.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत
एकूण 43804 जणांचे
नमुने पाठवण्यात आले आहेत. त्यात प्राथमिक तपासणीचे 42588 फेरतपासणीचे 232 तर वैद्यकीय कर्मचाऱ्यांचे 984
नमुने होते. आजपर्यंत एकूण 43700 अहवाल
प्राप्त झाले आहेत. एकूण निगेटीव्ह अहवालांची संख्या 36846
तर पॉझिटीव्ह अहवाल 8514(6854+1483+177) आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली
आहे.
आज 13 पॉझिटिव्ह
दरम्यान आज दिवसभरात 13 जणांचे अहवाल पॉझिटीव्ह
आले. आज सकाळी 13 जणांचे अहवाल
पॉझिटीव्ह आले. त्यात तीन महिला व 10 पुरुषांचा समावेश आहे.
त्यातील जठारपेठ व अकोट येथून प्रत्येकी
दोन जण, तर उर्वरित शिवाजी पार्क, आलेगाव
ता. पातूर, तापडिया नगर, दिपक चौक,
बलोदे लेआऊट, मुर्तिजापूर, गोरक्षण रोड, माधव नगर व राऊत वाडी येथील प्रत्येकी एक प्रमाणे रहिवासी आहे. तसेच
आज सायंकाळी कोणाचाही अहवाल पॉझिटीव्ह आला नाही, अशी माहिती शासकीय
वैद्यकीय महाविद्यालय व जिल्हा रुग्णालय सूत्रांनी दिली आहे. तसेच काल रात्री
रॅपिड ॲटीजेन टेस्टमध्ये सहा जणांचा अहवाल पॉझिटीव्ह आला
होता.
23 जणांना डिस्चार्ज
दरम्यान आज दुपारनंतर शासकीय वैद्यकीय
महाविद्यालय येथून तीन जण, आयकॉन हॉस्पीटल येथून पाच जण, हॉटेल स्कायलार्क येथून तीन जण तसेच होम आयसोलेशनचा कालावधी पूर्ण झाला अशा
12 जणांना, अशा एकूण 23 जणांना डिस्चार्ज देण्यात आला आहे, अशी माहिती जिल्हा शल्य चिकित्सक
कार्यालयातून देण्यात आली आहे.
194 रुग्णांवर उपचार सुरु
टिप्पण्या
टिप्पणी पोस्ट करा