बँड पथकांना व संगीत कार्यक्रमास सशर्त परवानगी जिल्हाधिकारी यांचे आदेश
अकोला,दि. 10 (जिमाका)- कोरोना विषाणू प्रतिबंधात्मक
उपाययोजनेअंतर्गत महसूल व वन विभागाच्या सूचनेनुसार गुरुवार दि. 12 नोव्हेंबर 2020 पासून सर्व बँड पथकांना
तसेच लग्नसमारंभामध्ये संगीत कार्यक्रम सुरु करण्याबाबतचे प्रतिबंधात्मक आदेश अटी व शर्तीच्या
अधिन राहून जिल्हाधिकारी जितेंद्र पापळकर यांनी जारी केले आहे.
मिशन बिगेन अगेन
अंतर्गत गुरुवार दि. 12 नोव्हेंबर
पासून मार्गदर्शक सूचना निर्गमित करण्यात आल्या आहेत. कोविड-19 चा
प्रादुर्भाव व फैलाव होवू नये या करिता सामाजिक अंतर व इतर आवश्यक उपाययोजनेचा
अवलंब करुन पुढील नमूद केलेल्या अटी व शर्तीनुसार
पुढील आदेशापर्यंत सुरु करण्यास परवानगी देत आहे.
अटी व शर्ती : दि. 30 सप्टेंबर 2020 आदेशानुसार लग्न
समारंभाच्या वेळी उपस्थित असलेल्या 50 व्यक्तींमध्ये बँड पथक व संगीत कार्यक्रम
करणाऱ्या सदस्यांचा समावेश असेल, एकाच
ठिकाणी गर्दी न करता सामाजिक अंतर( Social Distaneing) राखुन बँड बाजविणे, संगीत कार्यक्रम
घेणे बंधनकारक राहील, बैंड पथक व संगीत कार्यक्रम या पथकातील
सर्व सदस्यांचे नियमित थर्मल स्कॅनिंग करुन त्यांची नॉंद करुन घेणे बंधनकारक
राहील. तसेच कोरोना विषाणूचा प्रादर्भाव होवू नये याकरिता
आवश्यक ती खबरदारी घेण्यात यावी, बँड पथकाकरिता व संगीत कार्यक्रमाकरिता आवश्यक
असणारे साहीत्य नियमित निर्जंतुकीकरण करुन वापरणे बंधनकारक राहील, कोविड-19 चे अनुषंगाने
केन्द्र शासन व राज्य शासन यांनी वेळोवेळी दिलेल्या
निर्देशांचे तंतोतंत पालन करणे बंधनकारक राहील, शासनाने
वेळोवेळी निर्गमित करण्यात आलेल्या विविध आदेशांचे उल्लंघन होणार
नाही याची दक्षता घेण्यात यावी.
टिप्पण्या
टिप्पणी पोस्ट करा