राष्ट्रध्वजाच्या उचित सन्मानाबाबत करावयाच्या उपाययोजना
अकोला,दि.21
(जिमाका)- अकोला जिल्हयातील विविध शासकीय
निमशासकीय, अशासकीय कार्यालये, स्वयंसेवी संस्था, प्रतिष्ठाने, स्थानिक प्राधिकरणे,
शैक्षणिक संस्था व नागरिकांना याव्दारे सुचित करण्यात येते की, दरवर्षी 26 जानेवारी,
15 ऑगष्ट, व 1 मे व इतर राष्ट्रीय कार्यक्रम, महत्वाच्या सांस्कृतिक व क्रिडा सामन्यांच्या
वेळी विदृयार्थी व नागरीक यांचेकडुन कागदाच्या व प्लास्टीकच्या राष्ट्रध्वजांचा मोठया
प्रमाणावर वापर करण्यात येतो अशा या वापरावर ध्वजसंहितेतील तरतुदीनुसार बंदी असुन यापुढे
असा वापर करणारे नागरिक, विदृयार्थी, उत्पादक, विक्रेते, वितरक व मुद्रक यांचेवर दंडात्मक
कारवाई करण्यात येईल.
कार्यालये प्रतिष्ठाने व प्राधिकरणेतसेच
इतर संस्थांनी ध्वजरोहणाच्या वेळी ध्वज वापराबाबत भारतीय ध्वजसंहितेमध्ये दिलेल्या
तरतुदींचे काटेकोरपणे पालन करावे. राष्ट्रीय ध्वज हा कापडी आयताकृती असावा तसेच लांबी
रुंदीचे प्रमाण 03:02 असणे बंधनकारक आहे. तसेच वापरास उपयुक्त नसलेले, फाटलेले, जीर्ण
व खराब झालेले किंवा माती लागलेले रस्त्यावर, मैदानात पडलेले राष्ट्रध्वज गोळा करुन
ते तालुका व जिल्हा स्तरावर निर्माण करण्यात आलेल्या यंत्रणेस सुपूर्द करावेत.
त्याअनुषंगाने अशा राष्ट्रध्वजांची विल्हेवाट
लावण्याकरीता गोळा केलेले राष्ट्रध्वज तालुका पातळीवर तहसिलदार कार्यालय व जिल्हा पातळीवर
जिल्हाधिकारी कार्यालयात जमा करावेत. अशा राष्ट्रध्वजांची परस्पर विल्हेवाट लावणे हा
राष्ट्रध्वजाचा अवमान असुन तसे आढळल्यास संबंधितांवर दंडात्मककारवाई करण्यात येईल.
प्लास्टीक व कागदी राष्ट्रध्वजांचा वापर
थांबविण्यासाठी वापर थांबविण्यासाठी, नियंत्रण व जनजागृती करण्याकरीता जिल्हा व तालुका
पातळीवर समित्या गठीत करण्यात आल्या आहेत. शैक्षणिक संस्था, महाविदयालये, प्रशिक्षण
संस्था व सर्व यंत्रणामार्फत ही बाब विद्यार्थी व नागरिकांच्या निदर्शनास आणुन देण्याकरीता
सर्वांनी सहकार्य करण्याचे आवाहन जिल्हा प्रशासनाव्दारे करण्यात येत आहे.
00000
टिप्पण्या
टिप्पणी पोस्ट करा