कनिष्ठ लिपीक व अनुरेखक पदभरती परीक्षा सोमवारी (दि.13)

            अकोला,दि.10 (जिमाका)-    जिल्हा निवड समितीतर्फे सोमवार  दि. 13 रोजी सकाळी 11 ते दु. साडेबारा या वेळात  सार्वजनिक बांधकाम मंडळ अकोला  कनिष्ठ लिपीक व अनुरेखक  पदभरती परिक्षा  होणार आहे.

                   ही परिक्षा  एल.आर. टी.  कॉलेज ऑफ कॉमर्स, नेकलेस रोड,  रतनलाल प्लॉट अकोला –भाग A, व  एल.आर. टी. कॉलेज ऑफ कॉमर्स , नेकलेस रोड, रतनलाल प्लॉट, अकोला  भाग B. या दोन उपकेंद्रावर घेण्यात येणार आहे. परिक्षा कालावधीत या दोन्ही उपकेंद्रावर कायदा सुव्यवस्था अबाधित  राखण्यासाठी संपुर्ण  परिक्षा केंद्र परिसर व  100 मीटर परिसरात फौजदारी प्रक्रिया  1973  चे कलम 144 अन्वये प्रतिबंधात्मक आदेश जिल्हाधिकारी  जितेंद्र पापळकर यांनी दिले आहेत. या आदेशान्वये परिक्षा केंद्र परिसरात  अनाधिकृत व्यक्ती व वाहन प्रवेश करता येणार  नाही. 100 मीटर  परिसरात झेरॉक्स,  फॅक्स , पानपट्टी ,टायपिंग सेंटर , एसटीडी बुथ, ध्वनिक्षेपक इ. माध्यमे परिक्षा संपेपर्यंत बंद राहतील,  परिक्षा केंद्रात इंटरनेट, मोबाईल  फोन इ. नेण्यास मनाई करण्यात आली आहे.