कावड उत्सवाच्या नियोजनासाठी गुरूवारी नियोजनभवनात बैठक
कावड उत्सवाच्या नियोजनासाठी
गुरूवारी नियोजनभवनात बैठक
अकोला, दि. ७ : श्रावणातील कावड व पालखी उत्सवानिमित्त आवश्यक सुविधा,
कायदे व सुव्यवस्था आदींबाबत नियोजन करण्यासाठी जिल्हाधिकारी अजित कुंभार यांच्या अध्यक्षतेत
सर्व यंत्रणांची बैठक गुरूवारी (१० जुलै) दु. ४ वा. नियोजनभवनात होणार आहे.
कावड यात्रेच्या अनुषंगाने कायदा व सुव्यवस्था, तसेच इतर सोयीसुविधा,
बंदोबस्त याबाबत बैठकीत चर्चा होईल. यंदा 25 जुलै रोजी श्रावणास प्रारंभ होत आहे. दि. 28 जुलै रोजी पहिला श्रावण सोमवार, दि. 4 ऑगस्ट
रोजी दुसरा, दि. 11 ऑगस्टला तिसरा (श्री क्षेत्र धारगड यात्रा), तसेच दि. 18 ऑगस्ट
रोजी चौथा श्रावण सोमवार (कावड व पालखी मिरवणूक) आहे.
जिल्ह्यात कावड यात्रेनिमित्त भक्त मोठ्या संख्येने मौजे गांधीग्राम
येथे पूर्णा नदीच्या पात्राजवळ एकत्र येतात व मध्यरात्रीनंतर कावडधारी पूर्णा नदीचे
जल कावडीत घेऊन अकोला येथील श्री राजराजेश्वर मंदिरात श्री महादेवाच्या पिंडीवर जलाभिषेक
करतात. या यात्रेचा मार्ग -आपातापा नाका, रेल्वे ब्रीज, शिवाजी महाविद्यालय, अकोट स्टॅण्ड,
मामा बेकरी, बियानी चौक, कापड बाजार, सराफा लाईन, गांधी चौक, कोतवाली चौक, लोखंडी पूल,
काळा मारोती टर्न, जय हिंद चौक ते राजराजेश्वर मंदिरापर्यंत- असा असतो. याविषयी आवश्यक
सबंध व्यवस्थेविषयी या बैठकीत चर्चा केली जाणार आहे.
०००
टिप्पण्या
टिप्पणी पोस्ट करा