मूर्तिजापूर पं. स. तर्फे सौर यंत्र व पेरणी यंत्र वितरित करणार गुरूवारी सोडत

 

 

मूर्तिजापूर पं. स. तर्फे सौर यंत्र व पेरणी यंत्र वितरित करणार

गुरूवारी सोडत

अकोला, दि. १५ : मूर्तिजापूर पंचायत समितीतर्फे शेतक-यांना 90 टक्के अनुदानावर सौर, वीज झटका यंत्र व मनुष्यचलित पेरणी यंत्र वितरित करण्यात येणार आहेत. त्याच्या लाभार्थी निवडीसाठी सोडत दि. २४ जुलै रोजी पं. स. सभागृहात होणार आहे.

झटका यंत्रासाठी दिव्यांग लाभार्थीचे २२ व सर्वसाधारण लाभार्थीचे १ हजार १९२ असे एकूण १ हजार २१४ अर्ज प्राप्त आहेत. मनुष्यचलित पेरणीयंत्रासाठी दिव्यांग लाभार्थीचे ८ व सर्वसाधारण लाभार्थीचे ४६४ असे एकूण ४७२ अर्ज प्राप्त झाले आहेत. या अर्जांमधून लॉटरी पद्धतीने निवड करण्यात येईल.

०००