मुर्तिजापूर येथे मंगळवारी (दि.२०) ‘शासन आपल्या दारी’ महाशिबिर

 अकोला, दि.१८(जिमाका)- शासकीय योजना अधिकाधिक लोकाभिमुख करण्याच्या दृष्टीने राज्यशासनाने ‘शासन आपल्या दारी’, हे अभियान सुरु आहे. याअंतर्गत मंगळवार दि.२० रोजी मुर्तिजापूर येथे ‘शासन आपल्या दारी’ हे महाशिबिर आयोजित करण्यात आले आहे. मंगळवार दि.२० रोजी सकाळी १० वाजता आ. हरिष पिंपळे यांच्या अध्यक्षतेखाली हे महाशिबिर होणार असून जिल्हाधिकारी निमा अरोरा यांचीही यावेळी उपस्थित असेल.  राधामंगलम हॉल, तिडके नगर,मुर्तिजापूर येथे हे महाशिबिर होणार आहे. या अभियानात शासनाच्या विविध योजनांची माहिती व पात्र लाभार्थ्यांना लाभ दिला जाणार आहे. मुर्तिजापूर तालुक्यातील नागरिकांनी या अभियानाचा लाभ घ्यावा,असे आवाहन तहसिलदार शिल्पा बोबडे यांनी केले आहे.

०००००