बार्शीटाकळी येथे आज (दि.१६) ‘शासन आपल्या दारी’ महाशिबिर

 

अकोला, दि.१५(जिमाका)- शासकीय योजना अधिकाधिक लोकाभिमुख करण्याच्या दृष्टीने राज्यशासनाने ‘शासन आपल्या दारी’, हे अभियान सुरु केले आहे. याअंतर्गत शुक्रवार दि.१६ रोजी बार्शीटाकळी येथे शासन आपल्या दारी हे महाशिबिर आयोजित करण्यात आले आहे. शुक्रवार दि.१६ रोजी सकाळी ११ वाजता आ. हरिष पिंपळे यांच्या अध्यक्षतेखाली हे अभियान राबविण्यात येणार असून जिल्हाधिकारी निमा अरोरा यांचीही यावेळी उपस्थित असेल.  प्रभूपार्वती मंगल कार्यालय, पिंपळखुटारोड, बार्शीटाकळी येथे हे महाशिबिर होणार आहे.या अभियानात शासनाच्या विविध योजनांची माहिती व पात्र लाभार्थ्यांना लाभ दिला जाणार आहे. बार्शीटाकळी तालुक्यातील नागरिकांनी या अभियानाचा लाभ घ्यावा,असे आवाहन तहसिलदार दीपक बाजड यांनी केले आहे.

०००००