पंडीत दीनदयाल उपाध्याय रोजगार मेळावा; जिल्हाधिकारी कार्यालयात दि. 8 रोजी 211 पदांसाठी भरती प्रक्रिया
अकोला,दि.5(जिमाका)- पंडीत दीनदयाल उपाध्याय रोजगार
मेळाव्याचे आयोजन जिल्हाधिकारी कार्यालय परिसरात गुरुवार दि. 8 जून रोजी आयोजित
करण्यात आले आहे. जिल्हा कौशल्य विकास, रोजगार व उद्योजकता मार्गदर्शन
केंद्र, शासकीय औद्योगिक प्रशिक्षण संस्था यांच्या संयुक्त
विद्यमाने आयोजित या मेळाव्यात 211 पदांसाठी भरती प्रक्रिया राबविली जाणार आहे.
पात्रताधारक इच्छुकांनी संधीचा लाभ घ्यावा, असे आवाहन जिल्हा कौशल्य विकास, रोजगार
उद्योजकता मार्गदर्शन केंद्राचे सहायक आयुक्त द.ल. ठाकरे यांनी केले आहे.
मेळाव्यात सहभागी उद्योजक याप्रमाणे-
1. जसनागरा पब्लीक स्कुल, रिधोरा ता.जि.अकोला, 2. अक्षत इंटरप्रायजेस, गोकुल कॉलनी,
अकोला, 3. इनोट्रो मल्टीसर्व्हीसेस, अकोला, 4. महिंद्रा ॲण्ड महिंद्रा लि.पुणे,
5.धुत ट्रान्समिशन प्रा.लि.छत्रपती संभाजी नगर, 6. पिपल ट्री ऑनलाईन,पुणे येथे एकूण
211 पदाकरिता भरती प्रक्रिया राबविली जाणार आहे. हा रोजगार मेळावा गुरुवार दि.8 रोजी सकाळी 11 ते
दुपारी 2 या वेळात जिल्हाधिकारी कार्यालय परिसरात होणार आहे. पात्र व इच्छुक
उमेदवारांनी आपला बायोडाटा, शैक्षणिक कागदपत्रे, आधारकार्ड, पासपोर्ट
फोटो सह स्वखर्चाने उपस्थित राहावे. अधिक माहितीसाठी जिल्हा कौशल्य विकास, रोजगार
उद्योजकता मार्गदर्शन केंद्र अकोला या कार्यालयाच्या दूरध्वनी क्रमांक
0724-2433849 अथवा भ्रमणध्वनी क्रमांक 9665775778 क्रमांकावर संपर्क साधावा, असे
आवाहन करण्यात आले आहे.
0000000
टिप्पण्या
टिप्पणी पोस्ट करा