रॅपिड ॲन्टीजेन चाचण्याः 808 चाचण्यात 21 पॉझिटीव्ह

 

अकोला,दि.16(जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.15) दिवसभरात झालेल्या 808 चाचण्या झाल्या त्यात 21  जणांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.

            काल दिवसभरात अकोट येथे 179 चाचण्या झाल्या त्यात सात जणांचा अहवाल पॉझिटीव्ह आला, पातूर येथे 46 चाचण्या झाल्या त्यात एकाचा अहवाल पॉझिटीव्ह आला, तेल्हारा येथे 10 चाचण्या झाल्या त्यात एकाचा अहवाल पॉझिटीव्ह आला, मुर्तिजापूर येथे 86 चाचण्या झाल्या त्यात दोन जणाचा अहवाल पॉझिटीव्ह आला, तर अकोला महानगरपालिका येथे 378 चाचण्या झाल्या त्यात पाच जणांचा अहवाल पॉझिटीव्ह आला, वैद्यकीय महाविद्यालय येथे 38 चाचण्या झाल्या त्यात तिघांचा अहवाल पॉझिटीव्ह आला, हेगडेवार लॅब येथे 35 चाचण्या झाल्या त्यात दोघांचा अहवाल पॉझिटीव्ह आला, तर बाळापूर येथे चार, बार्शीटाकळी येथे तीन,  अकोला आयएमए येथे पाच, आरोग्य कर्मचाऱ्यांचे 24 चाचण्या झाल्या त्यात कोणाचाही अहवाल पॉझिटीव्ह आला नाही, असे 808 जणांच्या चाचण्या होऊन त्यात 21 जणांचे अहवाल पॉझिटीव्ह आले. आतापर्यंत जिल्ह्यात एक लक्ष 73 हजार 378 चाचण्या झाल्या पैकी 14257 जणांचे अहवाल पॉझिटीव्ह आले आहेत, अशी माहिती जिल्हा रुग्णालयातून देण्यात आली आहे.