1183 अहवाल प्राप्त, 64 पॉझिटीव्ह, 284 डिस्चार्ज, एकाचा मृत्यू
अकोला,दि.8(जिमाका)- आज दिवसभरात शासकीय वैद्यकीय
महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 1183
अहवाल प्राप्त झाले. त्यातील 1119 अहवाल निगेटीव्ह तर 64 जणांचे अहवाल
पॉझिटीव्ह आले. दरम्यान 284 जणांना डिस्चार्ज देण्यात आला, तर एकाचा उपचारा दरम्यान मृत्यू झाला, असे जिल्हा रुग्णालय
व शासकीय वैद्यकीय महाविद्यालयामार्फत कळविण्यात आले आहे.
त्याच
प्रमाणे काल (दि.7) रॅपिड ॲटीजेन टेस्ट मध्ये 36 जणांचा अहवाल
पॉझिटीव्ह आला. त्यामुळे आता एकूण
पॉझिटीव्ह अहवालांची एकूण संख्या 56804(42624+14003+177)
झाली आहे, अशी माहिती
शासकीय वैद्यकीय महाविद्यालय
व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर 64 +
रॅपिड ॲन्टीजेन चाचणी 36= एकूण पॉझिटीव्ह- 100.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 278917 नमुने तपासण्यात आले.
त्यात प्राथमिक तपासणीचे 275528 फेरतपासणीचे 390 तर वैद्यकीय कर्मचाऱ्यांचे 2999 नमुने होते. आजपर्यंत
एकूण 278678 अहवाल प्राप्त झाले आहेत. एकूण निगेटीव्ह
अहवालांची संख्या 236054 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली
आहे.
64 पॉझिटिव्ह
आज दिवसभरात 64 अहवाल पॉझिटीव्ह आले. त्यात 30 महिला व 34 पुरुषांचा समावेश आहे. त्यात तालुकानिहाय संख्या याप्रमाणे- मुर्तिजापूर-16,
बार्शीटाकळी-तीन, पातूर-एक, बाळापूर-दोन, अकोट-12, तेल्हारा-एक,
अकोला-29. (अकोला ग्रामीण-एक, अकोला मनपा क्षेत्र-28), दरम्यान काल (दि.7) रात्री प्राप्त रॅपिड ॲन्टीजेन चाचण्यांच्या अहवालात 36 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह
रुग्ण संख़्येत करण्यात आला आहे, याची
नोंद घ्यावी.
284 जणांना डिस्चार्ज
दरम्यान आज दुपारनंतर शासकीय वैद्यकीय
महाविद्यालयातून 19, आयुवेदिक महाविद्यालय
येथील एक, हार्मोणी हॉस्पीटल येथील एक, गोयंका गर्ल्स हॉस्टेल येथील दोन, थोटे हॉस्पीटल
येथील एक, हॉटेल इंदिराप्रस्त येथील एक, आयकॉन हॉस्पीटल येथील एक, ओझोन हॉस्पीटल येथील दोन,
बिहाडे हॉस्पीटल येथील दोन, डॉ. के.एस. पाटील
हॉस्पीटल येथील एक, काळे हॉस्पीटल येथील एक, लोटस मल्टी. हॉस्पीटल येथील दोन, तर होम आयसोलेशन
मधील 250 असे एकूण 284 जणांना
डिस्चार्ज देण्यात आला,अशी माहिती जिल्हा रुग्णालयातून
देण्यात आली.
एकाचा मृत्यू
आज दिवसभरात एकाचा मृत्यूची नोंद झाली. हा रुग्ण बोर्टा ता.मुर्तिजापूर येथील 54
वर्षीय पुरुष असून या रुग्णास दि. 2 जून रोजी
दाखल केले होते, अशी माहिती जिल्हा रुग्णालय व शासकीय वैद्यकीय
महाविद्यालयातून देण्यात आली.
2323 जणांवर
उपचार सुरु
जिल्ह्यात एकूण पॉझिटीव्ह अहवालांची एकूण संख्या 56804(42624+14003+177) आहे. त्यात 1105 मृत झाले आहेत. तर 53376 जणांना डिस्चार्ज देण्यात
आला असून सद्यस्थितीत 2323 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली
आहे.
०००००
टिप्पण्या
टिप्पणी पोस्ट करा