732 अहवाल प्राप्त, 43 पॉझिटीव्ह, 262 डिस्चार्ज, दोघांचा मृत्यू
अकोला,दि.10(जिमाका)- आज दिवसभरात शासकीय वैद्यकीय
महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 732
अहवाल प्राप्त झाले. त्यातील 689 अहवाल निगेटीव्ह तर 43 जणांचे अहवाल
पॉझिटीव्ह आले. दरम्यान 689 जणांना डिस्चार्ज देण्यात आला, तर दोघांचा
उपचारा दरम्यान मृत्यू झाला, असे जिल्हा रुग्णालय
व शासकीय वैद्यकीय महाविद्यालयामार्फत कळविण्यात आले आहे.
त्याच
प्रमाणे काल (दि.10) रॅपिड ॲटीजेन टेस्ट मध्ये 32 जणांचा अहवाल
पॉझिटीव्ह आला. त्यामुळे आता एकूण
पॉझिटीव्ह अहवालांची एकूण संख्या 57033(42758+14098+177)
झाली आहे, अशी माहिती
शासकीय वैद्यकीय महाविद्यालय
व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर 43 +
रॅपिड ॲन्टीजेन चाचणी 32= एकूण पॉझिटीव्ह- 75.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 281347 नमुने तपासण्यात आले.
त्यात प्राथमिक तपासणीचे 277895 फेरतपासणीचे 395 तर वैद्यकीय कर्मचाऱ्यांचे 3057 नमुने होते.
आजपर्यंत एकूण 281316 अहवाल प्राप्त झाले आहेत. एकूण
निगेटीव्ह अहवालांची संख्या 238558 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली
आहे.
43 पॉझिटिव्ह
आज दिवसभरात 43 अहवाल पॉझिटीव्ह आले.
त्यात 15 महिला व 28 पुरुषांचा समावेश आहे. त्यात तालुकानिहाय संख्या याप्रमाणे- मुर्तिजापूर-सात, बार्शीटाकळी-दोन, बाळापूर-सहा, तेल्हारा-चार, अकोला-24. (अकोला ग्रामीण-चार,
अकोला मनपा क्षेत्र-20), दरम्यान काल (दि.10)
रात्री प्राप्त रॅपिड ॲन्टीजेन चाचण्यांच्या अहवालात 32 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व
ॲक्टीव्ह रुग्ण संख़्येत करण्यात आला आहे, याची नोंद घ्यावी.
262 जणांना डिस्चार्ज
दरम्यान आज दुपारनंतर शासकीय वैद्यकीय
महाविद्यालयातून 19, हार्मोनी हॉस्पीटल येथील
दोन, बबन हॉस्पीटल येथील
एक, ठाकरे हॉस्पीटल येथील चार, इनफिनीटी हॉस्पीटल
येथील दोन, गोयंका गर्ल्स हॉस्टले येथील एक, थोटे हॉस्पीटल येथील एक, हॉटेल इंदप्रस्त येथील दोन, मातृभूमी हॉस्पीटल येथील
एक, जिल्हा स्त्री रुग्णालय येथील चार, ओझोन हॉस्पीटल येथील दोन, बिहाडे हॉस्पीटल येथील तीन,
सहारा हॉस्पीटल येथील एक, इंदिरा हॉस्पीटल
येथील तीन, के.एस.
पाटील हॉस्पीटल येथील दोन, लोटस मल्टी. हॉस्पीटल येथील चार, तर होम आयसोलेशन
मधील 210 असे एकूण 262 जणांना
डिस्चार्ज देण्यात आला,अशी माहिती जिल्हा रुग्णालयातून
देण्यात आली.
दोघांचा मृत्यू
आज दिवसभरात दोघांचा मृत्यूची नोंद झाली.
त्यात बापू नगर येथील 63 वर्षीय महिला असून या
महिलेस दि. 4 जून रोजी दाखल केले होते, तर तेल्हारा येथील 52 वर्षीय पुरुष असून या रुग्णास दि.
6 जून रोजी दाखल केले होते, अशी माहिती
जिल्हा रुग्णालय व शासकीय वैद्यकीय महाविद्यालयातून देण्यात आली.
1740 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57033(42758+14098+177) आहे. त्यात 1108 मृत झाले आहेत. तर 54185 जणांना डिस्चार्ज देण्यात
आला असून सद्यस्थितीत 1740 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली
आहे.
टिप्पण्या
टिप्पणी पोस्ट करा