रॅपिड ॲन्टीजन टेस्ट: आज दिवसभरात 25 चाचण्या, एक पॉझिटिव्ह

 

अकोला,दि.15 (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 25 चाचण्यामध्ये  केवळ एकाचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.

            आज दिवसभरात झालेल्या चाचण्या याप्रमाणे- अकोला ग्रामीण,  बाळापूर, अकोट, मुर्तिजापूर, तेल्हारा व पातूर येथे चाचण्या झाला नाही. बार्शीटाकळी येथे सहा चाचण्या झाल्या त्यात एकाचा अहवाल पाझिटिव्ह आला आहे, तसेच अकोला मनपा व शासकीय वैद्यकीय महाविद्यालयात चाचण्या झाल्या नाही. तर वैद्यकीय कर्मचाऱ्यांपैकी  19 जणांच्या चाचण्या झाल्या त्यात कोणाचाही अहवाल पॉझिटीव्ह आला नाही, अशा प्रकारे दिवसभरात 25 जणांच्या चाचण्या झाल्या त्यात एकाचा अहवाल पॉझिटीव्ह आला. आतापर्यंत जिल्ह्यात 10407 चाचण्या झाल्या असून 524 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.