जिल्हा नियोजन समितीची बैठक शनिवारी सोमवारी राज्यस्तरीय बैठक
जिल्हा नियोजन समितीची बैठक शनिवारी
सोमवारी राज्यस्तरीय बैठक
अकोला, दि. ५ : जिल्हा नियोजन समितीची बैठक उद्या शनिवारी, दि. ६ जानेवारी
रोजी दु. १२ वाजता नियोजनभवन येथे श्री छत्रपती सभागृहात आयोजित करण्यात आली आहे.
यावेळी महसूल तथा जिल्ह्याचे पालकमंत्री राधाकृष्ण विखे पाटील व्हिडीओ
कॉन्फरन्सद्वारे बैठकीला उपस्थित राहतील. त्याचप्रमाणे, वार्षिक योजनेच्या
आढाव्यासाठी सोमवारी राज्यस्तरीय बैठक होणार आहे.
बैठकीत नियोजन समितीच्या
यापूर्वीच्या सभेचे इतिवृत्त कायम करणे, अनुपालन, सर्वसाधारण योजना, अनुसूचित जाती
उपयोजना, आदिवासी उपयोजना यासंबंधी मार्च २०२३ अखेरील खर्चास मंजुरी, पुढील
वर्षातील प्रारूप आराखड्यास मान्यता देणे, डिसेंबरअखेर खर्चाचा आढावा व त्याला
मान्यता देणे, पुनर्विनियोजनास मान्यता देणे आदी विषयांवर निर्णय होणार आहेत.
त्याचप्रमाणे, सोमवारी दि. ८ जानेवारी रोजी दु. १.३० वा. उपमुख्यमंत्री तथा नियोजन
मंत्री अजित पवार यांच्या उपस्थितीत व्हिडीओ
कॉन्फरन्सद्वारे योजना आराखड्याचा आढावा
घेण्यासाठी राज्यस्तरीय बैठक होणार आहे.
०००
टिप्पण्या
टिप्पणी पोस्ट करा