नवउद्योजकांच्या प्रशिक्षणासाठी शुक्रवारी ‘कॉर्नेल महा-सिक्स्टी’
नवउद्योजकांच्या प्रशिक्षणासाठी
शुक्रवारी ‘कॉर्नेल महा-सिक्स्टी’
अकोला, दि. 10 : नवउद्योजक
व उदयोन्मुख उद्योजकांच्या प्रशिक्षणासाठी ‘कॉर्नेल महा-सिक्स्टी’ कार्यक्रम दि.
12 जानेवारी रोजी सकाळी 10.30 ते दु. 2 या वेळेत येथील चिवचिव बाजार परिसरातील श्रीमती
मेहरबानू महाविद्यालयात सभागृहात होणार आहे.
राज्याच्या नविन औद्योगिक
धोरणान्वये नवउद्योजक आणि नाविन्यपूर्ण स्टार्टअप्सना आवश्यक कौशल्य व प्रशिक्षणासह
सुसज्ज करण्यासाठी अमेरिकेतील कोरोनेल विद्यापीठाच्या सहकार्याने ‘कॉर्नेल महा-सिक्स्टी’
कार्यक्रम राबविण्यात येत आहे. त्यात आतापर्यंत
73 नवउद्योजकांना प्रशिक्षित करण्यात आले आहे.
जिल्ह्यातील सर्व स्टार्टअप्स,
नुकतेच उत्तीर्ण झालेले विद्यार्थी, महिला, युवक, नवउद्योजक व स्थानिक उद्योजक, तसेच
उद्योग करू इच्छित असलेली व्यक्ती अशा व्यक्तींना सक्षम करणे हा कार्यक्रमाचा हेतू
आहे. उद्योगाबाबत सखोल माहिती व प्रशिक्षण
यावेळी देण्यात येईल. उदयोन्मुख उद्योजकांनी, युवक युवतींनी या कार्यक्रमाचा लाभ घ्यावा,
असे आवाहन जिल्हा उद्योग केंद्राचे महाव्यवस्थापक यांनी केले आहे.
00000
टिप्पण्या
टिप्पणी पोस्ट करा