चर्मकार प्रवर्गातील २५ हजार युवक-युवतींना स्वरोजगाराची संधी
चर्मकार प्रवर्गातील २५ हजार युवक-युवतींना स्वरोजगाराची संधी
अकोला, दि. १७ : चर्मकार प्रर्वगातील युवक-युवतींना आणि महिलांना दर्जेदार उद्योजकता विकास आणि स्वयंरोजगार प्रशिक्षण देण्यासाठी 'लिडकॉम' आणि महाराष्ट्र उद्योजकता विकास केंद्र यांच्यात सामंजस्य करार करण्यात आला आहे. या करारामुळे ३ वर्षांत २५ हजार चर्मकार प्रवर्गातील युवकांना प्रशिक्षण मिळेल.
या करारावर लिडकॉमचे व्यवस्थापकीय संचालक धम्मज्ज्योती गजभिये आणि महाराष्ट्र उद्योजकता विकास केंद्राचे केंद्र प्रमुख तथा राज्य समन्वयक हेमंत वाघमारे यांनी स्वाक्षरी केली आहे. प्रशिक्षणात चर्मकार उद्योगातील व्यवसाय योजना, वित्त व्यवस्थापन, उत्पादन प्रक्रिया, विपणन आणि ग्राहक सेवा यासह विविध विषयांचा समावेश असेल. प्रशिक्षण पूर्ण झाल्यानंतर प्रशिक्षितांना महामंडळाच्या योजना आणि इतर सरकारी योजनांचा लाभ घेता येईल.
या करारामुळे चर्मकार प्रवर्गातील सुशिक्षीत बेरोजगार युवक-युवतींना आणि महिलांना उद्योजक बनण्याची संधी मिळेल. युवक-युवतींनी आणि महिलांनी या संधीचा लाभ घेण्यासाठी अधिकाधिक सहभाग घ्यावा, असे आवाहन गजभिये यांनी केले आहे.
०००
टिप्पण्या
टिप्पणी पोस्ट करा