आस्थापनांनी कर्मचा-यांची सांख्यिकी कळवावी - रोजगार केंद्राचे आवाहन
आस्थापनांनी कर्मचा-यांची सांख्यिकी कळवावी
-
रोजगार केंद्राचे आवाहन
अकोला दि.
3 : जिल्ह्यातील शासकीय, निमशासकीय व खाजगी क्षेत्रातील कायद्यांतर्गत असणाऱ्या आस्थापनांनी
त्याच्या आस्थापनेवर कार्यरत असणाऱ्या सर्व कर्मचाऱ्यांची सांख्यिकी त्रैमासिक विवरणपत्र नमुना ईआर-1 मध्ये की दि.
31 जानेवारीपर्यंत ऑनलाईन पद्धतीने सादर करावी, असे आवाहन जिल्हा कौशल्य विकास रोजगार व उद्योजकता मार्गदर्शन
केंद्राचे प्र.सहायक आयुक्त ग.प्र.बिटोडे यांनी केले.
सार्वजनिक तसेच खाजगी क्षेत्रातील सर्व
आस्थापनांना सेवायोजन कार्यालये प्रत्येक तिमाहीस विहित नमुना ईआर-1 मध्ये नियमितपणे
कौशल्य विकास रोजगार व उद्योजकता विभागाच्या www.mahaswayam.gov.in या संकेतस्थळावरुन ऑनलाईन पध्दतीने सादर करणे
बंधनकारक आहे. त्या अनुषंगाने डिसेंबर 2023 अखेर संपणाऱ्या तिमाही नमुना ईआर-1
(ER-1) मधील त्रैमासिक सांख्यिकीय माहीती नोंदणीकृत सर्व आस्थापनांनी यापूर्वी दिलेल्या
युझर नेम व पासवर्डचा वापर करुन
www.rojgar.mahaswayam.gov.in या संकेतस्थळावर त्रैमासिक विवरण पत्र विहीत
मुदतीत ऑनलाईन पध्दतीने सादर करावे.
प्रत्येक आस्थापनेने आपला नोंदणी तपशील, आवश्यक सर्व माहीती नोंदवून अद्ययावत करावा. त्रैमासिक
ईआर-1 किंवा आपला नोंदणी तपशील अद्यावत करतांना कोणत्याही प्रकारची अडचण आल्यास
akolarojgar@gmail.com या ई-मेल आयडी किंवा जिल्हा कौशल्य विकास रोजगार व उद्योजकता
कार्यालयाच्या दुरध्वनी क्रमांक 0724-2433849 अथवा 9665775778 या भ्रमणध्वनी क्रमांकावर संपर्क साधावा.
000000
टिप्पण्या
टिप्पणी पोस्ट करा