बोरगाव मंजू येथे मंगळवारी(दि.८)कायदेविषयक जनजागृती महाशिबीर

 अकोला,दि.४(जिमाका)-: राष्ट्रीय विधी सेवा प्राधिकरण व राज्य विधी सेवा प्राधिकरण यांच्या निर्देशानुसार मंगळवार दि.८ रोजी बोरगाव मंजू येथे ‘कायदेविषयक जनजागृती  कार्यक्रमाद्वारे नागरिकांचे सशक्तीकरण आणि ‘हक हमारा भी तो है’ या मोहिमेअंतर्गत कायदेविषयक जनजागृतीसाठी महाशिबिराचे आयोजन करण्यात आले आहे.  प्रमुख जिल्हा व सत्र न्यायाधीश श्रीमती सुवर्णा के. केवले या अध्यक्षस्थानी उपस्थित असतील तर जिल्हाधिकारी निमा अरोरा, जिल्हा परिषदेचे मुख्य कार्यकारी अधिकारी सौरभ कटीयार, पोलीस अधीक्षक संदीप घुगे यांची प्रमुख उपस्थिती राहील. या महाशिबिराचा नागरिकांनी लाभ घ्यावा, असे आवाहन जिल्हा विधी सेवा प्राधिकरणाचे सचिव योगेश पैठणकर, अकोला बार असो. चे अध्यक्ष चंद्रकांत वानखडे यांनी केले आहे.