ग्रामपंचायत निवडणूक; थेट सरपंचपदासह अकोला जिल्ह्यातील २६६ ग्रामपंचायतींसाठी १८ डिसेंबरला मतदान
अकोला,दि.९(जिमाका)-: अकोला जिल्ह्यातील सात तालुक्यांतील २६६ ग्रामपंचायतींच्या
सदस्यपदांसह थेट सरपंचपदाच्या सार्वत्रिक निवडणुकांसाठी 18 डिसेंबर 2022 रोजी मतदान होणार आहे.
यासोबतच जिल्ह्यात आजपासून आचारसंहिता लागू झाली असून 20 डिसेंबर 2022 रोजी मतमोजणी होणार असल्याचे जिल्हा निवडणूक अधिकारी तथा
जिल्हाधिकारी निमा अरोरा यांनी कळविले आहे.
तत्पूर्वी सर्वोच्च न्यायालयाच्या आदेशानुसार राज्यातील विविध
जिल्ह्यांतील 7 हजार 751 ग्रामपंचायतींच्या
सदस्यपदांसह थेट सरपंचपदाच्या सार्वत्रिक निवडणुकांसाठी राज्य निवडणूक आयुक्त यू.
पी. एस. मदान यांनी कार्यक्रम जाहीर केला आहे. अकोला जिल्ह्यातील
२६६ ग्रामपंचयतींचा यात समावेश आहे.
जिल्ह्यातील सात तालुक्यातील २६६ ग्रामपंचायतींमध्ये
निवडणूक
राज्य निवडणूक आयोगाच्या घोषणेनुसार अकोला
जिल्ह्यातील २६६ ग्रामपंचायतींमध्ये सार्वत्रिक निवडणूक घेण्यात येणार आहे. तालुका
निहाय ग्रामपंचायती खालील प्रमाणे.
तालुके ग्रामपंचायती
अकोला ५४
अकोट ३७
बाळापूर २६
बारशीटाकळी ४७
मुर्तिजापूर ५१
पातूर २८
तेल्हारा २३
असा आहे निवडणूक कार्यक्रम
ऑक्टोबर 2022 ते डिसेंबर 2022 या कालावधीत मुदत संपणाऱ्या; तसेच नव्याने स्थापित अकोला
जिल्ह्यातील सर्व २६६ ग्रामपंचायतींच्या
निवडणुकांसाठी 18 नोव्हेंबर 2022 रोजी संबंधित तहसीलदार निवडणुकीची सूचना प्रसिद्ध करतील.
नामनिर्देशनपत्र 28 नोव्हेंबर 2022 ते 2 डिसेंबर 2022 या कालावधीत दाखल करण्यात येतील. नामनिर्देशनपत्रांची छाननी
5 डिसेंबर 2022 रोजी होईल.
नामनिर्देशनपत्र मागे घेण्याची अंतिम मुदत 7
डिसेंबर
2022 रोजी दुपारी 3
वाजेपर्यंत
असेल व त्याच दिवशी निवडणूक चिन्हांचे वाटप होईल. मतदान 18 डिसेंबर 2022 रोजी सकाळी 7.30 ते सायंकाळी 5.30 या वेळेत होईल. तसेच नक्षलग्रस्त भागात दुपारी 3 वाजेपर्यंतच मतदानाची वेळ असेल. मतमोजणी 20 डिसेंबर 2022 रोजी होईल.
टिप्पण्या
टिप्पणी पोस्ट करा