रॅपिड ॲन्टीजन टेस्ट: आज दिवसभरात 176 चाचण्या, 15 पॉझिटिव्ह

 

अकोला,दि. 15 (जिमाका)- कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 176 चाचण्या झाल्या त्यात 15 जणांचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.

            आज दिवसभरात झालेल्या चाचण्या याप्रमाणे-  अकोला ग्रामिण, पातूर, बाळापूर व मुर्तिजापूर येथे चाचण्या झाल्या नाही. तर अकोट येथे 41 चाचण्या झाल्या त्यात नऊ जणांचा अहवाल पॉझिटिव्ह आला, बार्शीटाकळी येथे सहा चाचण्या झाल्या त्यात कोणाचाही अहवाल पॉझिटिव्ह आला नाही, तेल्हारा येथे 44 चाचण्या झाल्या त्यात एकाचा अहवाल पॉझिटिव्ह आला, तसेच अकोला मनपा येथे चाचण्या झाल्या नाही, तर अकोला आयएमए येथे 13 चाचण्या झाल्या त्यात एकाचा अहवाल पॉझिटिव्ह आला, 56 वैद्यकीय कर्मचाऱ्यांच्या चाचण्या झाल्या त्यात कोणाचाही अहवाल पॉझिटीव्ह आला नाही, तरी शासकीय वैद्यकीय महाविद्यालयातून 16 चाचण्या झाल्या त्यापैकी चार जणांचे अहवाल पॉझिटिव्ह आले, असे दिवसभरात  176 चाचण्यांमध्ये  15 जणांचे अहवाल पॉझिटीव्ह आले. तर आजपर्यंत 15083  चाचण्या झाल्या त्यात 982 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.