ऑनलाईन पंडीत दीनदयाल उपाध्याय रोजगार मेळाव्याचे आयोजन
अकोला,दि.18(जिमाका)- जिल्हयातील सुशिक्षित बेरोजगार उमेदवारांना नोकरीच्या संधी उपलब्ध व्हाव्यात या उद्देशाने जिल्हा कौशल्य विकास , रोजगार व उद्योजकता मार्गदर्शन केंद्र , अकोलाचे वतीने ऑनलाईन पंडीत दीनदयाल उपाध्याय रोजगार मेळाव्याचे आयेाजन दिनांक 20 सप्टेंबर ते 25 सप्टेंबर या कालावधीत करण्यात आलेले आहे.
सदर मेळाव्यामध्ये नामांकित खाजगी उद्योजक / कंपनी / त्यांचे
प्रतिनिधी एकुण 200
पेक्षा अधिक पदासाठी ऑनलाईन भरती प्रक्रिया राबवतील. तसेच पात्र पुरुष व
महिला उमेदवारांच्या ऑनलाईन मुलाखती घेण्यात येतील व पात्र उमेदवारांची निवड करण्यात येईल .
कौशल्य विकास व
उद्योजकता विभागाच्या - www.rojgar.mahaswayam.gov.in या
संकेतस्थळावर नांव नोंदणी केलेल्या
दहावी/ बारावी / पदवी / नर्सिंग पदवीका (ए.एन.एम./जी.एन.एम.) /आयटीआय पास / पदवीत्तर
, पुरुष / महिला उमेदवारांनी आपले
सेवायोजन कार्डचा आयडी व पासवर्ड चा वापर करुन ऑनलाईन आपले लॉगइन मधुन ऑनलाईन अर्ज
( Apply ) करुन यात
सहभागी होऊन रोजगार प्राप्त करण्याची संधी उपलब्ध झालेली आहे . या रोजगार
मेळाव्यात सहभागी होण्याकरीता कार्यालयात येण्याची गरज नाही. उमेदवार जेथे असतील
त्याच ठिकाणावरून आपल्या सेवायोजन ( एम्लॉयमेंट ) कार्डचा युझर आयडी व पासवर्ड चा वापर करुन आपल्या
लॉगइन मधुन ऑनलाईन रोजगार मेळाव्यात
आँनलाईन पद्धतीने सहभागी होऊ शकतात.
पात्र असलेल्या पुरुष /
महिला उमेदवारांनी आपल्या शैक्षणीक पात्रतेच्या आधारे एका पेक्षा जास्त
पदांकरीता सुध्दा ऑनलाईन अर्ज ( Apply ) करु
शकतात तरी दिनांक 20 सप्टेंबर ते 25 सप्टेंबर 2020 कालावधी दरम्यान आपल्या सेवायोजन कार्डच्या युझर आयडी आणि
पासवर्डचा वापर करुन आपले लॉगइन मधुन ऑनलाईन अर्ज ( Apply ) करावे तसेच ऑनलाईन अर्ज ( Apply ) करतांना काही अडचण आल्यास जिल्हा
कौशल्य विकास , रोजगार व उद्योजकता मार्गदर्शन केंद्र अकोला .या कार्यालयाशी प्रत्यक्ष अथवा साधावा असे आवाहन
जिल्हा कौशल्य विकास , रोजगार व उद्योजकता मार्गदर्शन
केंद्र सहायक आयुक्त श्रीमती प्रां.यो.बारस्कर यांनी केले आहे .
टिप्पण्या
टिप्पणी पोस्ट करा