जिल्ह्यात ‘माझे कुटुंब, माझी जबाबदारी’ मोहिमेची सुरुवात
अकोला,दि.15(जिमाका)-
कोविड-19 विषाणूचा प्रादुर्भाव रोखण्यासाठी
तसेच मृत्यू दर कमी करण्यासाठी जिल्ह्यात 15
सप्टेंबर पासून ‘माझे कुटुंब, माझी जबाबदारी’ ही मोहीम जिल्हा, तालुका व
ग्रामस्तरावरील प्रत्येक नागरिकांपर्यंत प्रभावीपणे राबविण्यात
येणार आहे. या मोहिमेची सुरुवात जिल्ह्यात, महानगर पालिका, नगरपालिका व ग्रामीण
भागात आज दि. 16 पासून करण्यात येणार असल्याची माहिती जिल्हाधिकारी
जितेंद्र पापळकर यांनी दिली. जिल्हाधिकारी यांच्या दालनात घेण्यात
आलेल्या आढावा बैठकीत मार्गदर्शन करताना ते बोलत होते. यावेळी जिल्हा परिषदेच्या
अध्यक्ष प्रतिभाताई भोजने, आमदार गोपीकिशन बाजोरीया, आमदार अमोल मिटकरी, मनपा
आयुक्त संजय कापडणीस, जिल्हा शल्य चिकीत्सक डॉ. राजकुमार चव्हाण, जिल्हा आरोग्य
अधिकारी डॉ. सुरेश आसोले, निवासी उपजिल्हाधिकारी संजय खडसे, मनपाचे वैद्यकीय अधिकारी
डॉ. फारुख शेख, अतिरिक्त आरोग्य अधिकारी डॉ. विजय जाधव, जिल्हा परिषदेचे विस्तार
माध्यम अधिकारी प्रकाश गवळी यांची उपस्थिती होती.
माझे
कुटुंब, माझी जबाबदारी ही मोहीम जिल्हयास्तरावर उपजिल्हा
निवडणूक अधिकारी मुकेश चव्हाण व नायब तहसिलदार सतिश काळे सनियंत्रीत करणार आहे.
महानगरपालिकास्तरावर महानगरपालिका आयुक्त तसेच ग्रामीण विभागात मुख्य कार्यकारी
अधिकारी व जिल्हा आरोग्य अधिकारी तसेच गट विकास अधिकारी, नगरपालिकास्तरावर मुख्यधिकारी
व तालुकास्तरावर संबंधित उपविभागीय अधिकारी व तहसिलदार हे सनियंत्रीत अधिकारी
म्हणून काम पाहणार आहे.
जिल्ह्यात महानगरपालिका, नगरपालिका, ग्रामीण विभाग, तालुकास्तरावर
जिल्ह्यातील लोकप्रतिनिधी, जिल्हा परिषद सदस्य, महानगरपालिका सदस्य, नगरपालिका
सदस्य, पंचायत समिती सदस्य, ग्रामपंचायत सदस्य आपआपल्या भागात आजपासून मोहिमेची
सुरुवात करणार आहे, अशाप्रकारचे नियोजन करण्यात आलेले आहे.
शासनाच्या
मार्गदर्शक सूचनेनुसार गृहभेटी देण्यासाठी आरोग्य पथके तयार करावीत.
या पथकामध्ये एक आरोग्य कर्मचारी आणि दोन स्थानिक लोकप्रतिनिधींनी दिलेले
स्वयंसेवक असतील. एक पथक दररोज 50 घरांना भेटी देईल.
भेटीदरम्यान घरातील सर्व सदस्यांचे तापमान, Sp०२ तपासणे तसेच Comorbid Condition आहे का याची
माहिती घेण्यात येईल, ताप, खोकला, दम
लागणे, Spo२ कमी अशी कोविडसदृष्य लक्षणे असणाऱ्या व्यक्तींना जवळच्या Fever Clinic मध्ये संदर्भित करण्यात येईल. Fever Clinic मध्ये कोवीड-19 प्रयोगशाळा चाचणी करुन पुढील उपचार केले जातील, कोमॉर्बीड Condition असणारे
रुग्ण नियमित उपचार घेतात का याची खात्री केली जाईल आणि आवश्यक तेथे औषधे व
तपासणीत संदर्भित केले जाईल, प्रत्येक पाच ते 10 पथकांमागे एक
डॉक्टर उपचार व संदर्भसेवा देईल, घरातील सर्व सदस्यांना
व्यक्तीश: प्री कोवीड, कोवीड आणि पोस्ट
कोवीड परिस्थितीनुसार आरोग्य संदेश समजावुन सांगेल.
मार्गदर्शक सूचनामध्ये नमुद केल्यानुसार
लोकसंख्येनुसार प्राथमिक आरोग्य केंद्र, शहर व गाव येथे आरोग्य पथके तयार करुन त्यांना प्रशिक्षण देणे आणि साहित्य
वाटप करावे, प्रत्येक 5-10 पथकामागे एक डॉक्टर निश्चित करावा व तसे आदेश निर्गमित करावे, कोमॉर्बीड
रुग्णांच्या उपचारासाठी, मधुमेह, उच्च
रक्तदाब, हृदय विकार, किडनी विकार इ. आजारासाठी
प्रोटोकॉलनुसार लागणारी औषधींचा साठा प्राथमिक आरोग्य केंद्र,व रुग्णालय स्तरावर उपलब्ध करावा. साठा कमी असल्यास NHM च्या Free Medicine निधीतून खरेदी करावी, ताप उपचार
केंद्र (Fever Treatment Center) प्रत्येक ccc, CHC, DCH मध्ये कार्यान्वित
करावे. याठिकाणी संदर्भित होणा-या रुग्णांना संशयीत रुग्ण कक्षात दाखल करुन कोवीड-
19 चाचण्या कराव्यात. प्रत्येक तालुक्यात किमान एक ताप उपचार केंद्र कार्यरत असणे आवश्यक आहे, आवश्यकतेनुसार व नवीन ccc,CHC व DCH स्थापन करण्यासाठी
नियोजन करावे, ऑक्सजन पुरवठा सुरळीत ठेवण्यासाठी नियोजन करावे, संशयीत कोवीड-19 रुग्णांना कडून FTC मध्ये आणण्यासाठी प्रत्येक
दोन-तीन प्रा.आ.केंद्रा मागे किमान एक रुग्णवाहिकाची सोय करावी, लोकप्रतिनिधी व खाजगी रुग्णालय, स्वयंसेवीका यांचा
या मोहीमेसाठी सहभाग घ्यावा.
टिप्पण्या
टिप्पणी पोस्ट करा