महाराष्ट्र दिनःजिल्ह्याचा मुख्य ध्वजारोहण समारंभ लाल बहादूर शास्त्री स्टेडीयम येथे
अकोला दि.27(जिमाका)- महाराष्ट्र राज्य स्थापना दिनाचा 63 वा वर्धापन
दिनाचा (दि.1 मे) जिल्ह्याचा मुख्य ध्वजारोहण समारंभ लाल बहादुर शास्त्री स्टेडीयम अकोला येथे होणार
आहे. सोमवार दि. 1 मे रोजी सकाळी आठ वाजता हा समारंभ होणार आहे, अशी माहिती निवासी
उपजिल्हाधिकारी संजय खडसे यांनी दिली आहे.
राज्यभरात हा समारंभ एकाच
वेळी सकाळी आठ वाजता होणार आहे. मुख्य शासकीय समारंभात नागरिकांना सहभागी होता
यावे, यासाठी सकाळी सव्वा सात ते सकाळी 9 वा. दरम्यान ध्वजारोहणाचा किंवा कोणताही
शासकीय किंवा अर्धशासकीय समारंभ आयोजित करण्यात येऊ नये. एखाद्या कार्यालयास अथवा
संस्थेला ध्वजारोहण समारंभ आयोजित करावयाचा असल्यास त्यांनी सकाळी सव्वा सात
वाजेच्या पूर्वी किंवा सकाळी 9 वा. नंतर करावा,असे शासनाचे निर्देश आहेत. अकोला
येथे जिल्हाधिकारी कार्यालयात सकाळी 7 वा. 30 मि. ध्वजारोहण समारंभ
होईल.जिल्ह्याचा मुख्य शासकीय ध्वजारोहण समारंभ लाल बहादुर शास्त्री स्टेडियम
अकोला येथे सकाळी आठ वा. होणार आहे. शासनाच्या अन्य विभागांनी आपापल्या
कार्यालयांचे ध्वजारोहणाचे कार्यक्रम शासनाच्या निर्देशानुसार आयोजीत करावे,असे कळविण्यात
आले आहे.
00000
टिप्पण्या
टिप्पणी पोस्ट करा