भूमिसंपादन नियमात सुधारणा
अकोला,दि. १९(जिमाका)- भूमिसंपादन पुनर्वसन व पुनर्वसाहत करतांना उचित भरपाई मिळण्याचा व पारदर्शकतेचा हक्क (महाराष्ट्र) नियम २०१४ मधील नियम १९ मध्ये सुधारणा करण्यात आली असल्याची अधिसुचना प्रसिद्ध झाली आहे,असे उपजिल्हाधिकारी (भूसंपादन) विश्वनाथ घुगे यांनी कळविले आहे.
सुधारणेनुसार, या नियमास भूमिसंपादन, पुनर्वसन व
पुनर्वसाहत करतांना उचित भरपाई मिळण्याचा
आणि पारदर्शकतेचा हक्क (महाराष्ट्र)(सुधारणा) नियम २०२३ असे संबोधण्यात येणार
असून त्यातील नियम १९ च्या पोट नियम ३
नंतर नविन पोटनियम दाखल करण्यात आला आहे. हा नियम ४ असून त्यात म्हटले आहे
की, जेव्हा भूमिसंपादन अधिनियम १८९४ (१८९४
चा १) याच्या कलम ११ खालील निवाडा १ जानेवारी २०१४ पूर्वी घोषित करण्यात आलेला
नसेल तेव्हा, अशा प्रकरणी भरपाईची परिगणना करण्याकरीता बाजार मूल्य निश्चित करण्याची तारीख ही, अधिनियमाच्या प्रारंभीची
म्हणजेच १ जानेवारी २०१४ ही असेल.
टिप्पण्या
टिप्पणी पोस्ट करा