सामाजिक समता पर्व: जात प्रमाणपत्र पडताळणी समितीव्दारे मुर्तिजापूर येथे मार्गदर्शन शिबीर

अकोला दि.25(जिमाका)-  सामाजिक न्याय विभाग व डॉ.बाबासाहेब आंबेडकर संशोधन व प्रशिक्षण संस्था पूणे यांच्यामार्फत दि. 1 एप्रिल ते 1 मे 2023 दरम्यान सामाजिक समता पर्व राबविण्यात येत आहे. त्याअनुषंगाने मंगळवार दि. 25 एप्रिल रोजी जिल्हा जात प्रमाणपत्र पडताळणी समितीच्यावतीने आखरे व मंडलापूरे करिअर ॲकेडमी ता.मुर्तिजापूर येथे जात वैधता प्रमाणपत्राबाबत मार्गदर्शन शिबीराचे आयोजन करण्यात आले. यावेळी प्रमुख मार्गदर्शक किरण निखाडे व विशाल राठोड यांनी विद्यार्थ्यांना मार्गदर्शन केले. विद्यार्थ्यांनी महाविद्यालयात प्रवेश घेण्यापूर्वी जात पडताळणी प्रमाणपत्र ऑनलाईन अर्ज करुन घ्यावे, असे आवाहन जिल्हा जात प्रमाणपत्र पडताळणी समितीचे संशोधन अधिकारी यांनी केले.यावेळी मंडलापूर करिअर अकॅडमी मुर्तिजापूर संचालक आखरे, जातपडताळणी कार्यालयाचे सुमीत चानगुडे, महाविद्यालयातील विद्यार्थी उपस्थित होते.

00000