अकोट येथील सुरभी कोचिंग क्लासेसमध्ये मार्गदर्शन शिबीर

अकोला दि.24(जिमाका)-  डॉ.बाबासाहेब आंबेडकर संशोधन व प्रशिक्षण संस्था पूणे यांच्यामार्फत दि. 1 एप्रिल ते 1 मे 2023 दरम्यान सामाजिक समता पर्व राबविण्यात येत आहे. त्याअनुषंगाने सोमवार दि. 24 एप्रिल रोजी जिल्हा जात प्रमाणपत्र पडताळणी समितीच्यावतीने सुरभी कोचिंग क्लास ता.अकोट येथे जात वैधता प्रमाणपत्राबाबत मार्गदर्शन शिबीराचे आयोजन करण्यात आले. यावेळी प्रमुख मार्गदर्शक किरण निखाडे यांनी विद्यार्थ्यांना मार्गदर्शन केले. तसेच डॉ.बाबासाहेब आंबेडकर यांच्या 132 व्या जयंतीनिमितत 1132 जात वैधता प्रमाणपत्र ऑनलाईन पद्धतीने वाटप करण्यात आले. विद्यार्थ्यांनी महाविद्यालयात प्रवेश घेण्यापूर्वी जात पडताळणी प्रमाणपत्र ऑनलाईन अर्ज करुन घ्यावे, असे आवाहन जिल्हा जात प्रमाणपत्र पडताळणी समितीचे संशोधन अधिकारी यांनी केले.

00000