पंडीत दिनदयाल उपाध्याय रोजगार मेळावा सोमवारी (दि.17) तेल्हारा येथे आयोजन
अकोला,दि.14(जिमाका)- जिलहयातील सुशिक्षित बेरोजगार
उमेदवारांना नोकरीच्या संधी उपलब्ध व्हाव्यात या उद्येशाने जिल्हा कौशल्य
विकास , रोजगार व उद्योजकता मार्गदर्शन केंद्र , अकोला. आणि
शासकीय औद्योगिक प्रशिक्षण संस्था , तेल्हारा व अकोट जि.
अकोला. यांचे सयुक्त विद्यमाने आयोजित पंडीत दिनदयाल उपाध्याय रोजगार मेळावा
सोमवार (दि.17) रोजी सकाळी 10 वाजता शासकीय औद्योगिक प्रशिक्षण संस्था, थार एम.आय.डी.सी. ,शेगांव रोड , तेल्हारा येथे आयोजित करण्यात आलेला आहे.
या मेळाव्यामध्ये
नामांकित खाजगी उद्योजक / कंपनी / त्यांचे प्रतिनिधी एकुण ३०० पेक्षा अधिक
पदासाठी भरती प्रक्रिया राबवतील. यात खंडेलवाल ऑटोव्हिल्स , रतनलाल
प्लॉट , अकोला. (एकुण-०९पदे दहावी
/बारावी /पदवीधर ), भारतीय जिवन विमा निगम , अकोला.( एकुण २५ पदे /
दहावी /बारावी पदवीधर ) , युरेका फोर्ब्स , अकोला
करीता ( एकुण पदे ३०
किमान दहावी / बारावी ) , धुत ट्रान्समिशन
, औरंगाबाद ( एकुण १०० पदे आय.टी.आय.कोणताही ट्रेड पास /दहावी
/बारावी/पदवीधर) , नाहार्स इंजिनियरींग ,औरंगाबाद (एकुण १२५
पदे दहावी /बारावी/आय.टी.आय.पास कोणताही
ट्रेड ) , मॉर्डन सेक्युरीटी फोर्स , हैद्राबाद ( दहावी / बारावी
/ पदवीधर ) यांचा सहभाग राहील . पात्र पुरुष व महिला उमेदवारांच्या मुलाखती घेण्यात
येतील व त्याच दिवशी निवड करण्यात येईल .
कौशल्य विकास व उद्योजकता विभागाच्या - www.mahaswayam.gov.in या संकेतस्थळावर
नांव नोंदणी केलेल्या दहावी/ बारावी /
पदवी / पदवीका /आयटीआय पास / पदवीत्तर पुरुष तसेच महिला
उमेदवारांना यात सहभागी होऊन रोजगार प्राप्त करण्याची संधी उपलब्ध झालेली
आहे .
पात्र उमेदवारांनी आपल्या शैक्षणीक पात्रतेची सर्व मुळ
प्रमाणपत्र ( सत्य प्रतिलिपी ) नुकतीच काढलेली पासपोर्ट आकाराची
छायाचित्रे व सेवायोजन कार्डासह सोमवार (दि.17) रोजी सकाळी १०.००
वाजता शासकीय औद्योगिक प्रशिक्षण संस्था, थार एम.आय.डी.सी. शेगांव रोड
,तेल्हारा येथे उपस्थित राहावे असे आवाहन सहायक आयुक्त सु.रा.झळके , जिल्हा कौशल्य विकास , रोजगार व उद्योजकता मार्गदर्शन केंद्र अकोला .यांनी केले आहे.
00000
टिप्पण्या
टिप्पणी पोस्ट करा