महात्मा जोतीराव फुले शेतकरी कर्जमुक्ती योजना सत्यापनासाठी येणा-या शेतक-यांना सन्मानपुर्वक वागणूक द्या; जिल्हाधिकारी जितेंद्र पापळकर
अकोला,दि.18(जिमाका)- महात्मा जोतीराव फुले शेतकरी
कर्जमुक्ती योजनेच्या सत्यापनाच्या कामासाठी येणा-या शेतक-यांना सन्मानाची
वागणूक देऊन काम करा, असे निर्देश जिल्हाधिकारी जितेंद्र पापळकर यांनी सामान्य सुविधा केंद्र (सीएससी) संचालकांना
दिलेत.
शासनामार्फत राबविण्यात येणा-या महात्मा
जोतीराव फुले शेतकरी कर्जमाफी
योजनेंतर्गंत कर्जमाफीसाठी पात्र ठरलेल्या
जिल्ह्यातील शेतक-यांच्या गावनिहाय याद्या 21 फेब्रूवारी रोजी प्रसिद्ध करण्यात
येणार आहेत. त्यानंतर संबंधीत शेतक-यांचे बँक खाते क्रमांक व आधार क्रमांकांची पडताळणी
सामान्य सुविधा केंद्रांमध्ये (सीएससी) करण्यात येणार आहे. त्यानुषंगाने सोमवार (दि.17)
रोजी जिल्हाधिका-यांनी जिल्हाधिकारी कार्यालयाच्या नियोजन भवनात कॉमन सर्व्हिस सेंटर, आपले सरकार सुविधा
केंद्र , महाऑनलाईनच्या संचालकांची बैठक घेतली.
कर्जमुक्ती योजनेच्या आधारकार्डानुसार लाभार्थ्याचे सत्यापन व प्रमाणिकरणाचा कार्यक्रम विशेष मोहिमेतंर्गत
22 ते 28 फेब्रूवारी पर्यंत गावोगावी राबविण्यात
येणार आहे याची अंमलबजावणीत पडताळणीच्या कामासाठी कॉमन सर्व्हिस सेंटरमध्ये येणा-या शेतक-यांना
सन्मानाची वागणूक देण्यात येऊन त्यांना योग्य
सहकार्य करण्यात यावेत, समाधानकारक काम न केल्यास
संबंधीत ‘सीएससी’ संचालकांविरूद्ध कारवाई करण्यात येणार असल्याचा इशारा जिल्हाधिकारी
जितेंद्र पापळकर यांनी या बैठकीत दिला.
यावेळी निवासी उपजिल्हाधिकारी संजय
खडसे, अकोल्याचे तहसीलदार विजय लोखंडे , तालुका
कृषी अधिकारी शलाका सरोदे, सीएससी सेंटरचे
संजय यादव यांच्यासह अकोला तालुक्यातील कॉमन सर्व्हिस सेंटर, आपले सरकार सुविधा केंद्र
, महाऑनलाईनचे संचालक उपस्थित होते.
00000
टिप्पण्या
टिप्पणी पोस्ट करा