राष्ट्रीय अन्न सुरक्षा अभियान : शेतकऱ्यांकडून अर्ज मागविले
अकोला, दि. २८ (जिमाका)- राष्ट्रीय अन्न सुरक्षा अभियान अन्नधान्य/गळीतधान्य/नगदी पिके सन २०२१-२२ अंतर्गत रब्बी हंगामामध्ये कडधान्य, गळीतधान्य व तृणधान्य या पिकांचे अनुदानीत दराने बियाणे वितरण, पीक प्रात्यक्षिके, सुधारित कृषि औजारे व सिंचन साधने या बाबींचे अनुदान प्राप्त करण्यासाठी शेतकऱ्यांनी महा-डीबीटी पोर्टलवर नोंदणी करून अर्ज करावेत,असे आवाहन जिल्हा अधीक्षक कृषी अधिकारी डॉ. कांताप्पा खोत यांनी केले आहे.
राज्यात सन २०१४-१५ पासुन सुधारीत मार्गदर्शक
सुचने नुसार राष्ट्रीय अन्न सुरक्षा अभियान राबविण्यात येत आहे. सन २०१८-१९ पासून या
अभियानात पौष्टिक तृणधान्य व गळीतधान्य पिकांचा समावेश करण्यात आला आहे. या अभियानासाठी
निधीची तरतूद केंद्र व राज्य ६० ते ४० टक्के
प्रमाणे आहे.
योजनेचा उद्देश : क्षेत्र विस्तार व उत्पादकतेमध्ये
वाढ करून शेतकऱ्यांच्या उत्पादनात शाश्वत वाढ करणे.जमिनीची सुपीकता व उत्पादन क्षमता वाढ विणे.शेतकऱ्यांचा
आर्थिक स्तरउंचावणे. अपरंपारिक भातपड क्षेत्रावर कडधान्य/ गळीतधान्य पिकाच्या क्षेत्र
वृद्धी व उत्पादकतेत वाढ करणे, हा आहे.
अभियानामध्ये राबविण्यात
येणाऱ्या बाबी :
पीक
प्रात्यक्षिके - पीक प्रात्यक्षिके, पीक पद्धतीवर
आधारीत प्रात्यक्षिके (आंतरपिक) इ., मुलभूत बियाणे खरेदी (गळीतधान्य), प्रमाणित
बियाणे वितरण व बियाणे उत्पादनास अर्थसहाय्य, एकात्मिक कीड व अन्नद्रव्ये
व्यवस्थापन, सुधारित कृषि औजारे व सिंचन साधन, पीक पध्दतीवर आधारीत प्रशिक्षण.
वैशिष्ट्यपूर्ण
बाबी-शेतकऱ्यांचे शेतमालाचे
मुल्यवर्धनासाठी मिनी दाल मिल (शेतकरी गटासाठी),बीज प्रक्रिया संच (FPO साठी)
तेलघाणीइ. घटकांची स्थानिक पुढाकाराच्या बाबींतर्गत अंमलबजावणी केली जाते.
·
राष्ट्रीय अन्न
सुरक्षा अभियान अन्नधान्य/गळीतधान्य/नगदी पिके सन २०२१-२२ अंतर्गत रब्बी हंगामामध्ये कडधान्य,
गळीतधान्य व तृणधान्य या पिकांचे अनुदानित दराने बियाणे वितरण, पीक
प्रात्यक्षिके,सुधारित कृषि औजारे व सिंचन साधने या बाबींचे अनुदान प्राप्त
करण्यासाठी शेतकऱ्यांनी महा-डीबीटी पोर्टलवर नोंदणी करून अर्ज करावेत.
·
महा-डीबीटी
पोर्टलवर नोंद केलेल्या शेतकऱ्यांमधून मंजूर कार्यक्रमाच्या मर्यादेत लॉटरी
पद्धतीने लाभार्थ्यांची निवड करण्यात येणार आहे.
·
राष्ट्रीय अन्न
सुरक्षा अभियानाच्या सविस्तर मार्गदर्शक सूचनांसाठी कृषि विभागाच्या http://krishi.maharashtra.gov.in या वेबसाईट ला भेट द्यावी.
·
अधिक माहितीसाठी
तालुका कृषि अधिकारी/ मंडळ कृषि अधिकारी/ कृषि पर्यवेक्षक/ कृषि सहाय्यक/ यांचेशी संपर्क साधावा,असे आवाहन जिल्हा अधीक्षक
कृषी अधिकारी डॉ. के. बी. खोत यांनी केले आहे.
०००००
टिप्पण्या
टिप्पणी पोस्ट करा